Gewilde Bybelverse vanaf Psalms 32

Deel

Hy het gesê: Ek is soos ’n onderwyser vir jou. Ek vat jou aan die hand om jou op die regte pad te lei. Ek sal jou elke keer die regte raad gee. Ek sal jou oppas.

U beskerm my. U pas my op in elke krisis. U laat my uitroep van vreugde wanneer U my red.

Toe het ek my verkeerde dade voor U bely. Ek het nie stilgebly oor die verkeerde dinge wat ek gedoen het nie. Ek het besluit om my slegte dade vir die Here te vertel. U, Here, het dit alles vergewe.

Jy is baie gelukkig as die Here jou al jou verkeerde dade vergewe. Jy is gelukkig as Hy nie meer aan jou slegte dade dink nie.

Jy is baie gelukkig as die Here jou nie laat betaal vir jou skuld nie. Jy is ook gelukkig as jy nie skelm is of ander mense probeer te kort doen met geld nie.

Daarom moet almal wat hulle vertroue in U stel, in moeilike tye na U roep. As groot probleme ’n gelowige tref, sal dit niks aan hom doen nie.