Gewilde Bybelverse vanaf Gén 6

Deel

Wet Lhawuk wuj tä lelhakli ihi wet yok: –¿Chipte tä oyenlhihte hin'o?

Lhawuk hiw'en tä wuj tä ni'isa m'ak tä iwoye wichi tä ihi honhat, wet tajlhama t'at m'ak tä ni'isa tä lhamel yen tichunhayaja.

Mat Lhawuk akäjejlhi Noé.

Oyäme Noé. Lham häpe hin'o tä is wet iwoye t'at Dios lhämet. Ihichet'a elh hin'o p'ante tä mälhyej iwoye lham, tsi iwoye t'at Dios lenech'ethayaj.

Athana otäyhthila wichi tä i'pe honhat, lhäy'e itshätäy, lhäy'e m'ayhay tä lhaitonchehen honhat, lhäy'e afwenchey. Tsi tä oyenlhihte lhamel, athana wuj tä ilän otichunhayaj.

Tä iwo tesa tä lhayäm wujpe wichi tä ihi honhat, iche leles tsinhay. Wet Dios lakawos tä ipuleye hiw'en tä wuj tä isis, wet lhamel tachuma atsinhay tä ihumnhen wet yen ch'efwasa. Mat Lhawuk yok: –Oyämhit’ala pitaj lew’atshancheyaj hin’o, tsi niwohit m'ak chik häpe, hin'o t'at. Tä mälhyejtso, iläyhla ciento veinte nekchämis, tajlhama. Wet häp ifwalastso tä Dios lakawos tä ipuleye yen ch'efwasa häp wichi les tsinhay, iwo lelesa wet n'äl p'ante gigantes tä iche, häp hin'ol tä wustas. Häte leles tä lepes lheley iche p'ante gigantes tä iyej. Wet wichi iwujyen tsi takhajayhen.

Wet Noé iwoye nilhokej m'ak tä Dios ne'tek iwoye.

Tä mälhyejtso, Dios tahuyej Noé wet yok: –Otäyhthila nilhokej wichi tä i'pe honhat, tsi lhamel tä tamenej tä lhäy'e lhip m'ak tä ni'isa tä ihi honhat. Tä mälhyejtso, otäyhthila t'at, lhäy'e honhat.

Enlhi ahi tä hal'ä yämthilek i'pe inät. Enlhi lech'ol tä ihi, wet ilenejlhi alquitrán, häp honhat lhits'i tä ichalaj, tä tumphä lhäy'e tä lech'oye, häpkhilek inät nityäjaho.

Wet Dios y'ulhan häp honhat, tä m'ak tä ni'isa tä wichi iwoye tapoyej.

Häte is chik lethatho ahi nilhokej itshätäy tä w'enhahiche tä i'pe honhat, elh tä asnak lhäy'e elh tä atsinha, häpkhilek i'amej wet nittäya.