PSALMS 61:4-5

Deel

PSALMS 61:4-5 Bybel vir almal (ABA)

Ek vra dit, want U het my altyd beskerm, U was vir my soos 'n toring waar die vyande nie by my kan kom nie. U moet my altyd by U laat bly, U moet my beskerm soos 'n hen haar kuikens beskerm onder haar vlerke. Sela

PSALMS 61:4-5 Afrikaans 1933/1953 (AFR53)

Want U het 'n toevlug vir my geword, 'n sterk toring teen die vyand. Ek wil in u tent vertoef vir ewig, in die skuilplek van u vleuels my verberg. Sela.

PSALMS 61:4-5 Afrikaans 1983 (AFR83)

U is vir my 'n toevlug, 'n sterk vesting buite bereik van die vyand. Laat my by U 'n blywende tuiste vind. Laat my skuil onder u vleuels. Sela

PSALMS 61:4-5 Die Bybel 2020-vertaling (AFR20)

want U is vir my 'n skuilplek, 'n versterkte toring teen die vyand. Ek wil vir altyd in u tent vertoef, ek wil skuil onder die beskutting van u vlerke. •Sela

PSALMS 61:4-5 Contemporary Afrikaans Bible 2023 (CAB23)

Ek sal vir ewig in U tabernakel vertoef; ek vertrou op die skuilplek van U vleuels. Sela. Want U, o God, het my geloftes gehoor; U het my die erfdeel gegee van die wat u Naam vrees.

PSALMS 61:4-5 Die Boodskap (DB)

U alleen pas my op. U is soos ’n skuilplek waarheen ’n mens vlug as daar groot gevaar kom. U beskerm my teen my vyande. Ek wil vir altyd by U wees. As U my beskerm, is ek elke dag veilig.

PSALMS 61:4-5 Nuwe Lewende Vertaling (NLV)

Waarlik, U is vir my ’n skuilplek, ’n sterk vesting buite bereik van my vyande. Laat my vir altyd in u woning bly, en onder die beskerming van u vleuels skuil! Sela