Laai die Bybeltoep afJesus: Ons OorwinningsbanierVoorbeeld
Oorwinning Oor Siekte
God se Woord sê dat ons deur Jesus se wonde genees word. Deur Jesus se dood en opstanding, het Hy die sonde, die dood en siekte in alle vorme tot in alle ewigheid verslaan. Hoe wonderlik dat ons deur Hom deel het aan hierdie oorwinning! Tog, wat beteken die oorwinning oor siekte vir ons terwyl ons nog in 'n gevalle wêreld leef?
Dwarsdeur die Nuwe Testament vind ons wonderbaarlike voorbeelde van genesings deur Jesus, sowel as deur die apostels wat deur die krag van sy Naam optree. Wanneer jy hierdie getuienisse oor genesing lees, kan jy maklik aanneem dat God ons gebede oor siekte op 'n sekere manier sal beantwoord: onmiddellike vrywording van pyn, algehele genesing van 'n ongeneeslike of terminale siekte, of 'n volledige oorwinning oor angs. Wat doen ons dus as ons ervaring nie aan sulke verwagtinge voldoen nie? Ons moet versigtig wees om nie die ongelooflike diepte van genesing so te beperk nie.
Die apostel Paulus vertel in Romeine 8:28 dat God alles ten goede laat meewerk vir dié wat Hom liefhet. Dit beteken nie dat alles wat gebeur goed is nie - Jesus se oorwinning oor sonde en die dood het nie al die beproewings uit ons lewens op aarde uitgeskakel nie. In Johannes 16:33 het Jesus belowe dat ons probleme in hierdie wêreld sal ervaar, en siekte is ongetwyfeld 'n deel van die probleme wat ons ervaar. Al sal God steeds baie keer op wonderbaarlike maniere ingryp, word ons nie noodwendig hierdie kant van die hemel volkome genesing gewaarborg nie. Ons kan wel seker wees van die ewige oorwinning wat ons verlossing waarborg. Ons sal die ewigheid in die teenwoordigheid van God deurbring, vol vreugde en heeltemal vry van siekte, sonde, dood, pyn en angs.
Moenie ontmoedig word deur wat voorkom as 'n onbeantwoorde gebed of 'n uitkoms wat nie aan jou verwagtinge voldoen nie. God hoor wel jou gebede, en in alle dinge werk hy tot jou beswil en sy eer. Vra in hierdie Paasseisoen dat die Here jou 'n ewige perspektief sal gee. As ons die realiteit van die hemel in gedagte hou, kan ons met vrymoedigheid bid en met selfvertroue deur enige beproewing gaan, in die wete dat die resultaat nie saakmaak nie, want ons is aan die wenkant.
Laai vandag se beeld hier af.
Aangaande hierdie leesplan
Wanneer ons Paasfees vier, vier ons die grootste oorwinning in die geskiedenis. Deur Jesus se dood en opstanding, het Hy vir altyd die krag van sonde en die graf oorwin, met al die daaropvolgende newe-effekte, en het Hy gekies om daardie oorwinning met ons te deel. Laat ons gedurende hierdie Paasfeesweek kyk na sommige van die vestings wat Hy oorwin het, nadink oor die stryd wat Hy vir ons gestry het, en Hom loof as ons Oorwinnaarsbanier.
More
