God Se Beloftes Uit EfesiërsVoorbeeld

JESUS IS GEKIES AS JOU REDDER    

Jy sien in vandag se skrifgedeelte Efesiërs 1:4-5 iets van die groot wysheid van God. 

Hy sê nog voor alles gemaak is, nog voor die skepping, nog voor Adam en Eva al sonde gedoen het, het God dit beskik dat Jesus Christus aarde toe moet kom en dat ek en jy deur Hom gered moet word. Hierdie vers sê nie iets van net sekere mense is uitgekies en ander nie, dit sê Christus is die uitverkore een. Hy is nog voor die skepping, nog voor alles gemaak is, gekies om my en jou redder te wees. As jy Christus aangeneem het, is jy vandag ’n kind van God. 

Hemelse Vader, dankie vir U wysheid en dat nog voor die skepping, voor enige iets gemaak is, U Christus uitverkies het. U het Hom hierdie doel gegee om vir my en vir elke mens wat U bely se sonde te sterf. Amen.