God Se Beloftes Uit EfesiërsVoorbeeld

JY IS DEEL VAN GOD SE VOLK    

Hierdie belofte in Efesiërs 1:13-14 is ’n paar goed: een, jy is deel van die volk van God, jy is nie sommer net ’n gewone mens wat maar net leef nie, jy het ’n identiteit in Christus. Maar jy moet nie net die goeie nuus gehoor het nie, jy moet daarop reageer, jy moet dit glo, jy moet dit jou eie maak. En dan die laaste belofte: die Heilige Gees kom en beseël dit in jou lewe en getuig saam met jou gees dat jy ’n kind van God is. 

Hemelse Vader, baie dankie dat die Heilige Gees binne my getuig dat ek u kind is, dat ek deel van u volk is. Dankie vir daardie belofte. Amen.