Laai die Bybeltoep afWat Is Ware Liefde?Voorbeeld
Ons Uiteindelike Doel, Ware Liefde
Indien ware liefde die belangrikste doel in ons lewens is, is dit nie noodsaaklik dat ons weet hoe dit lyk en hoe ons dit kan bereik nie? Ons mag onsself afvra: Kan ons ware liefde ken?
As God liefde is,
en God beveel ons om Hom lief te hê,
en God het, deur sy genade, sy liefde in ons harte uitgestort met ons bekering,
dan kan ons antwoord ja wees — 'n oorweldigende JA!
Ons het die vermoë om te weet wat ware liefde is, om ware liefde te geniet, om in ware liefde te leef en om ware liefde te gee. As God self liefde is, is Hy nie net vir ons 'n perfekte voorbeeld van liefde nie, maar ook ons bron van liefde.
Is daar struikelblokke wat ons van ware liefde sal weerhou?
Ongeloof? Seerkry? Verraad? Wantroue? Gevoelloosheid? 'n Loopbaan? Jou huis? Gewildheid? Vrees? Onwaardigheid? Mislukking? Dink hieroor na terwyl jy vandag by die werk of huis is, of as jy in jou kar ry ... gaan dan na die Here in gebed en vertel vir Hom wat jy ontdek het. As jy dink daar is nie iets wat jou verhinder nie, maar jy voel net dat jy nie so naby aan die Here is soos jy wil wees nie, vertel dit vir Hom.
Aangaande hierdie leesplan
Almal wil weet wat liefde eintlik is. Min mense kyk egter wat die Bybel oor liefde sê. Liefde is een van die sentrale temas van die Skrif en die belangrikste aspek van die Christelike lewe. Hierdie leesplan van Thistlebend Ministries, ondersoek die Bybelse betekenis van liefde en hoe om God en mense beter lief te hê.
More
