Wat is volgende: Studente UitgaweVoorbeeld

Al

Daar is drie terme wat gebruik word om die hoof karaktertrekke van God te beskryf. Hulle begin almal met Al. God is alwetend, almagtig en alomteenwoordig.

God is alwetend, wat beteken dat hy alles weet. Hy ken jou gedagtes en motiewe—Hy weet wat jy nodig het, beter as jyself. Daar is niks wat Hy nie kan begryp, verstaan, of onbewus van is nie. God weet alles.

Die almag van God verwys na die feit dat God oppermagtig is. Daar is niks groter of beter as God nie en daar is niks wat Hy nie kan hanteer nie. God is sterk genoeg om enige probleme in hierdie wêreld te hanteer, asook as jou persoonlike worstelinge. Weet net dat God groter is as enigiets waardeur jy gaan. As jy voel dat jy nie jou omstandighede kan hanteer nie, onthou daar is ʼn almagtige God wat kan.

God is ook alomteenwoordig, wat beteken dat Hy te alle tye, oral is. Daar is nêrens waar Hy nie is nie. Hy is altyd orals. Daar is nêrens 'n plek wat sy teenwoordigheid nie kan bereik nie. Wanneer jy ook al alleen voel, moet jy weet dat God daar by jou is.