Wat is volgende: Studente UitgaweVoorbeeld

Nuwe Skepping—Dissipel

Dit maak nie saak wat jy gedoen het of wat jy deurgemaak het nie. Jy is vandag—op hierdie oomblik, 'n nuwe skepping in Christus. Dit maak nie saak wat in jou verlede gebeur het nie, vandag is 'n nuwe dag en jy is 'n nuwe mens. Nou kan jy wees waarvoor God jou geroep het om--sy dissipel te wees.

Wat beteken dit om 'n dissipel te wees? 'n Dissipel is iemand wat onderrig word en 'n volgeling is. As 'n dissipel moet jy van Jesus leer, hoe om soos Hy te lewe en wat dit behels om vir Hom te leef. Toe Jesus op aarde was, het Hy 12 dissipels, of volgelinge gehad. Nie soos Instagram volgelinge nie, maar fisiese volgelinge. 

Jesus se dissipels het die geskiedenis, en uiteindelik die wêreld, vir altyd beïnvloed. Baie het van die Bybelboeke geskryf en hulle het 'n groot rol gespeel om die goeie nuus oor Jesus regoor die wêreld te versprei.  Dus, as 'n dissipel van Christus moet jy weet dat jy ook dinge kan verander. Trouens, God roep jou om Hom te volg en om ander te leer om Hom ook te volg.