Wat is volgende: Studente UitgaweVoorbeeld

Leef voluit

Om te aanvaar wat Jesus vir jou aan die kruis gedoen het, verseker jou ewigheid, maar daar is meer as net dit. As ons as Christene net wag om te sterf sodat ons hemel toe kan gaan, mis ons die groter prentjie. Om Jesus in jou lewe te hê is nie net belangrik vir wanneer jy sterf nie, dit is ook belangrik vir jou lewenspad hier en nou.

Jesus het gesê dat Hy gekom het sodat ons lewe in oorvloed kan hê. Ons is geskape om 'n lewe vol avontuur en opwinding te hê. Om 'n Christen te wees gaan nie oor al die dinge wat ons nie moet of mag doen nie. Dit gaan oor die vryheid wat ons het!

Jesus wil jou gebruik om 'n verskil te maak. As sy volgeling, kan jy 'n groot invloed hê en verskil in hierdie wêreld maak. Die Christen se lewe is nie vervelig nie. Enigiemand wat so dink, mis die punt geheel en al. Om Jesus te volg, is die beste en grootste avontuur waarop jy ooit kan gaan. Jy kan mense met oorgawe liefhê en kan God toelaat om jou lewe te gebruik om 'n verskil in dié van ander te maak. Laat God dus toe om jou te gebruik. Doen groot dinge. Gaan en leef voluit.