Deel Jesus met VertroueVoorbeeld

’n Hart soos Jesus

As jy ’n gelowige en volgeling van Jesus Christus is, moet jy nog ’n stap van geloof geneem om die fondament van jou hoop te leer deel. Ek wil jou graag help om vrymoedigheid te kry in jou gesprekke met enigiemand wat dalk geestelik soekend is terwyl jy met hulle praat oor ’n reis saam met Jesus.

Ek vind in byna al die areas van my lewe waar ek selfversekerd is, is daar twee eienskappe teenwoordig: kennis en ondervinding. Sodra ek ’n goeie begrip van iets het, of ’n redelike mate van begrip oor ’n onderwerp het, dra ondervinding en ervaring by tot my selfvertroue.

Vir jou om by die plek uit te kom waar jy voel dat jy Jesus met enigiemand kan deel, moet jy groei in kennis en ondervinding. Ek weet om te leer om enigiets beter te doen, of selfs net te begin, kan ’n groot uitdaging wees. Glo my as ek sê dat dit alles die moeite werd sal wees wanneer jy sien iemand se lewe verander as gevolg van Jesus en jy weet jou gehoorsaamheid aan Hom het die gesprek begin wat tot geloof gelei het.

Motivering is so deurslaggewend om dinge gedoen te kry en kan ons help om omtrent enigiets te bereik wat ons graag wil. Wanneer ons gemotiveerd is, is om iemand na te boots nie net ’n vorm van vleiery nie, maar die manier waarop soveel groot idees tot verwesenliking kom. Ons sien ander doen iets wonderliks, so ons probeer doen wat hulle gedoen het. Wanneer dit by ’n verhouding met Jesus kom, is dit nie anders nie. Trouens, die Bybel sê vir ons om Jesus se gesindheid te hê (Filippense 2:2).

As ons veronderstel is om te lewe soos Jesus geleef het, hoe presies het Hy dan geleef? Hy was nie net ’n gawe mens en goeie buurman wat probeer het om so gereeld as wat Hy kon kerk toe te gaan nie. Wat vir my uitstaan, is hoe Hy sy Vader behaag het en so diep vir mense omgegee het. Hy het veral aandag gegee aan dié wat verlore was en nie geglo het in enigiets meer as wat hulle op hierdie aarde kon sien nie.

Jesus het ’n hart vir die verlorenes, so om soos Hy te lewe, moet ons dieselfde hart hê.