Reis deur Handelinge in 10 daeVoorbeeld

Dag 2: Getuig uit die hart

Ons lees vandag Handelinge 4–6, en fokus spesifiek op Handelinge 4:13 (2020 vertaling)

Handelinge 4:13:

Toe hulle Petrus en Johannes se vrymoedigheid sien en besef dat hulle ongeleerd en leke is, was hulle verbaas en het hulle hulle herken as mense wat saam met Jesus was.

Oordenking:

Die godsdiensleiers was verstom dat onopgeleide manne met soveel vrymoedigheid praat – want hulle was saam met Jesus gesien. Die verandering wat in ons harte gebeur getuig daarvan dat ons vir Jesus ken. Johannes en Petrus het met soveel vrymoedigheid gepraat dat dit getuig het van die oortuigings van hul harte.

Ander mense neem kennis daarvan wanneer gelowiges met vrymoedigheid getuig van die liefde wat in hul harte is. Hierdie mense besef ook dat hulle saam met Jesus was omdat hulle met dieselfde selfvertroue gepraat het wat Jesus self gehad het. Petrus en Johannes was nie opgelei nie, maar hulle was passievol en oortuig van hul saak.

Net so kan jy vandag ook oortuig wees van jou verhouding met Jesus. Die Heilige Gees lei ons om Hom beter te leer ken en hoe die Gees wil hê ons moet leef en getuig.

Praktiese uitleg:

Bring tyd deur met Jesus – in gebed, deur die Bybel te lees, en dit in jou lewe toe te pas. Jou lewe sal daarvan getuig.

Geloofsvrae:

1. Watter invloed het jou tyd saam met Jesus op jou daaglikse lewe?
2. Hoe kan jy vandag kies om Jesus se teenwoordigheid te soek?

Gebed:

Here Jesus, ek wil meer tyd saam met U spandeer. Vorm my hart sodat ek soos U kan leef. Amen.