Filippense - Kies VreugdeVoorbeeld

Lees: Filippense 2:14-18

SOAP: Filippense 2:14-16

Ons woorde weerspieël ons harte. Die eerste stap in die proses om 'n geaardheid wat altyd kla te verander, is om dít wat ons onsself toelaat om op te fokus, te beheer. Dit beteken dat elke gedagte vasgevang moet word. Die wêreld kyk om te sien of dít wat ons sê ons glo, weerspieël word in hoe ons ons lewens lei. Ons doel hier is om Christus te reflekteer aan 'n wêreld wat desperaat op soek is na 'n Verlosser. Soos ons hierdie ongelooflike wedloop van die lewe hardloop tot God se eer, het ons die geleentheid om deur ons liefde, dade, keuses en spraak vir die wêreld te wys watter verskil Christus in ons maak. Hierdie wêreld sal ons teleurstel, probeer om ons te verslaan en te ontmoedig. Maar ons is nie vir hierdie wêreld gemaak nie, en dus word ons bron van vreugde ook nie hier gevind nie. Wanneer ons ons aardse woning beskou vir wat dit is - tydelik - is ons vry om nie styf aan hierdie wêreld vas te hou nie, omdat ons weet dat die hemel vir ons wag. In plaas daarvan om toe te laat dat klagtes en argumente ons tyd mors, mag ons kies om ons gedagtes te fokus op maniere om 'n lig in hierdie wêreld te wees vir 'n geslag wat Jesus desperaat nodig het.