Vèsè popilè nan Bib la ki soti nan Matu 6

Pataje

Gee tugum tiregɛ ya ɛɛra Yinɛ sɔ'ɔlum la puan kɛ̃'a la bu tuuntɔɔ vom la yɛla yia, gee lɔge tuna za'a wan dikɛ pa'ahɛ ya.

“Bala, da fabela ya beere yele, gee beere mɛŋa wan baŋɛ de mɛŋa yele. Gee zina daaŋɔ la pun seke zina mɛ.

“Bala, mam yeti, ya da fabela vom wa yɛla, sɛla ti ya wan di bii sɛla ti ya wan nyu, bii ya iŋa wa yele, sɛla ti ya wan yɛ. Nyɔvore wa ka gani dia, ti inganɛ wa gana futo?

Gee ya han ni yeti ya pu'uhɛ, kɛ̃ ya bɔ'ɔ, la ya yu' kuleŋa, gee pu'uhɛ ya Sɔ la en nyɛti sɛla en sugɛ la, ti ya sɔ la en nyɛti sɛla n sugɛ la, wan yɔ ya.

“Bala zuo, ni pu'uheri ya ŋwana: Tu Sɔ en boi saazuo ha, Fum yu'urɛ dɛna tuulum gana sɛla woo. Fum sɔ'ɔlum wa'am na. Fum sumboolum tum, tiŋa wa zuo wuu lan tuni saazuo ha se'em la.

Bo' tu tu zina dabeherɛ dia.

Gee bahɛ tu sama bo' tu, wuu tumam n baheri tu taaba sama se'em la.

Da tari tu kɛ̃ magehegɔ puan gee faaɛ tɔ be'em daana la nu'uhen bahɛ. [Sɔ'ɔlum la dela fum dinɛ, paŋa suŋa, wuuha wuuha, Amɛn. Yia yia gulehɛgɔ la tuseto ka tari ka'lam]

Ya han bahɛ ya taaba tuure bo' ba, ya Sɔ en boi saazuo ha me wan bahɛ ya tuure bo' ya.

Bihɛ ya niihe wa en ɛgeri saazuo wa, ba ka buti bii kɛ̃'ɛ̃ra, bii lageha sũna bã puan, gee ya Sɔ en boi saazuo ha wa en diihe ba. Yamam ka tari tibehum gana bana wa?

“Da kã'ahera ya lɔgerɔ biŋera ya mɛhi timpaberɛ wa zuo, zi'an ti guŋa wan mɔgɛ, ti tiŋan-ziim di, bii nageyigehi kɔ' kɛ̃ zu. Gee tugum boti ya ya lɔgerɔ biŋera saazuo ha, zi'an ti guŋa kan ta'am mɔgɛ, ti tiŋanziim kan ta'am di, bii nageyigehi kɔ' kɛ̃ zu. Se'ere en sɔi la, fum lɔgerɔ n boi zi'an la, fum suure boi la bilam.

“Nɛra kan ta'am tuna bɔ'ɔra kpɛ'ɛnduma bayi', se'ere en sɔi la, a wan ba'afum yaaɛ ayima gee nɔŋɛ ayima, bii a ba' tuna bɔ'ɔra ayima gee bahera ayima. Ya kan ta'am dɛna yameŋa bo' Yinɛ la lɔgerɔ buyina.

Ti Yinɛ han yɛɛla samana zuo muurɔ en boi zina ma'a gee ti beere ti ba yuuhɛ ba nyɔ, ŋwani ti a kan yɛɛlɛ yamam gaŋɛ bala, sakerɛ pɔ'ɛ ya duma wa?

Gee ya han ni bɔ'ɔra bo'olum, da bahɛ ti ya gɔbega nu'o mina zuɔ nu'o la en iti sɛla. Bala ti ya bo'olum la wan sugɛ, ti ya Sɔ la en nyɛti sɛla en sugɛ la wan yɔ ya.

“Mini ya ti ya wan ita ya itesuŋɔ nɛreba nɛŋan ti ba nyɛta ya. La han ana bala, ya ka le tara yɔɔrɛ ya Sɔ en boi saazuo ha la zi'an.

“Ya han luta nuurɛ, da ni zuŋe ya nɛhi wuu birekɔgenduma la, se'ere en sɔi la, ba ni zuŋe ba nɛhi la bala ti ba pa'alɛ la nɛreba ti bamam luti la nuurɛ. Yelemɛŋerɛ ti n yɛta ya wa, ba pun to'e ba yɔɔrɛ mɛ. Gee yamam han luta nuurɛ, ni sɔ̃ ya zuto la kaam, gee pee ya nɛhi. Ŋwana ti nɛreba kan baŋɛ ya nɔlurɛ la, gee ya Sɔ la en nyɛti sɛla en sugɛ la ma'a. Ya Sɔ la en nyɛti sɛla n sugɛ la wan yɔ ya lan nari se'em.