ថ្វាយអាទិភាពទីមួយទៅព្រះអង្គគំរូ

“ចំនុចយុទ្ធសាស្រ្តទាំង៥ ក្នុងការរស់នៅមានជ័យជំនះ”

ផ្នែកនេះផ្តល់ឲ្យចំនុចយុទ្ធសាស្រ្ត៥ ដែលផ្អែកលើព្រះគម្ពីរ   ដែលមានប្រសិទ្ធិភាពនៅក្នុងការដោះស្រាយជាមួយនឹងអំពើបាប និងសេចក្តីល្បួង។   ការធ្វើសកម្មភាពតាមផែនការនេះ   គឺជាវិធីមួយនៅក្នុងការថ្វាយព្រះជាម្ចាស់ជាអាទិភាពទី១នៅក្នុងជីវិតរបស់អ្នក។ 

១.   ត្រូវដឹងថាព្រះជាម្ចាស់មើលមកអ្នកគឺជាមនុស្សដែលឥតខ្ចោះ បរិសុទ្ធ   និងគ្មានកន្លែងបន្ទោសបាន គឺតាមរយ:កិច្ចការដែលព្រះយេស៊ូគ្រិស្តបានធ្វើ។   (សូមអាន ២កូរិនថូស ៥:២១)ជាច្រើនដងភាពមានពិរុទ្ធ និងអាម៉ាស់គឺជាផលប៉ះពាល់ទទួលរងពីអំពើបាបដែលបំផ្លិចបំផ្លាញយើងខ្លាំងជាងគេ

បំផុត។ ត្រូវយល់ថាយើងគ្មានទោសកំហុសទៀតឡើយ សម្រាប់អស់អ្នកដែលនៅក្នុងព្រះគ្រិស្ត   គឺយើងមានជ័យជំនះលើអំពើបាប (រ៉ូម ៨:១) ។ 

២. សារភាពបាបរបស់អ្នក (សូមអាន ១យ៉ូហាន ១:៩)

សារភាពបាបរបស់យើងមានន័យថាយើងទទួលស្គាល់អំពើបាបទាំងនោះជាមុននៅក្នុងចិត្ត   និងគំនិតរបស់យើង។ បន្ទាប់មកយើងសារភាពបាបទាំងនោះទៅព្រះជាម្ចាស់ សារភាពបាបរបស់យើងមិនចាំបាច់ប្រកាសជាសាធារណ:ទៅកាន់អ្នកដ៏ទៃឡើយ។   ការសារភាពគឺរវាងអ្នក​ និងព្រះជាម្ចាស់។ 

៣. មានការទទួលខុសត្រូវ (សូមអាន យ៉ាកុប ៥:១៦) ស្វែងរកមិត្តភក្តិគ្រិស្តបរិស័ទដែលអ្នកទុកចិត្ត   គ្រូគង្វាល ឬសមាជិកក្រុមគ្រួសារដែលអ្នកអាចទុកចិត្តបាន។ នេះគឺជាវិធីដែលមានប្រសិទ្ធិភាពនៅក្នុងការណែនាំឲ្យមានការទទួលខុសត្រូវ   និងអធិដ្ឋានគាំទ្រក្នុងពេលធ្វើសង្គ្រាម។ 

៤. ជៀសវាងប្រភពដែល​នាំឲ្យមានការល្បួង (សូមអាន 

យ៉ាកុប ១:១៣-១៥) នេះជាចំនុចដែលត្រូវខិតខំជាងគេបំផុត   នៅក្នុងការអនុវត្តន៍ និងតម្រូវឲ្យមានគំនិតច្នៃប្រឌិតមួយចំនួន និងធ្វើផែនការ។ សេចក្តីពិតគឺថាប្រសិនបើអ្នកអាចចៀសវាងសេចក្តីល្បួងបាន   អ្នកនឹងចៀសពីអំពើបាបបានផងដែរ។ 

៥. អានព្រះបន្ទូលព្រះ (សូមអានទំនុកតម្កើង ១១៩:១១) 

ព្រះបន្ទូលរបស់ព្រះប្រាប់យើងយ៉ាងច្បាស់ថា នៅពេលដែលយើង “លាក់ព្រះបន្ទូលនៅក្នុងចិត្តរបស់យើង”   ផ្តល់ឲ្យយើងនូវកម្លាំងពិសេសក្នុងការនិយាយថាទេ ចំពោះសេចក្តីល្បួង និងអំពើបាប​។