ទាញយកកម្មវិធីបំភ្លឺ៖ មគ្គុទ្ទេសក៍បែបសាមញ្ញសម្រាប់ការអធិស្ឋានដ៏ក្លាហានគំរូ
វាមានសារៈសំខាន់ចំពោះព្រះ
យើងអាចអធិស្ឋានសម្រាប់រឿងគ្រប់យ៉ាង។ដូចលោកស្រី Christine Caine បានមានប្រសាសន៍ថា «ប្រសិនបើវាមានសារៈសំខាន់ចំពោះអ្នកវាក៏មានសារៈសំខាន់ចំពោះព្រះ។» ប្រសិនបើវាជាអ្វីដែលយើងបារម្ភឬខ្វល់ខ្វាយនោះវាក៏ជាអ្វីដែលយើងអាចអធិស្ឋានបានផងដែរ។
លោកប៉ុលជំរុញទឹកចិត្តយើងក្នុងខគម្ពីរភីលីព 4:6–7 «កុំឲ្យខ្វល់ខ្វាយអ្វីឡើយចូរទូលដល់ព្រះឲ្យជ្រាបពីសេចក្ដីសំណូមរបស់អ្នករាល់គ្នាក្នុងគ្រប់ការទាំងអស់ដោយសេចក្ដីអធិស្ឋាននឹងពាក្យទូលអង្វរទាំងពោលពាក្យអរព្រះគុណផង។យ៉ាងនោះសេចក្ដីសុខសាន្តរបស់ព្រះដែលហួសលើសពីអស់ទាំងគំនិតនឹងជួយការពារចិត្តហើយនឹងគំនិតរបស់អ្នករាល់គ្នាក្នុងព្រះគ្រីស្ទយេស៊ូវ» (ពគប)។
តើយើងអាចអធិស្ឋានអំពីអ្វីដែរ? ចម្លើយរបស់លោកប៉ុលមានភាពច្បាស់លាស់៖គ្រប់ការទាំងអស់ ! មិនមានអ្វីដែលតូចតាចពេកនោះទេចំពោះព្រះ។ហើយខណៈពេលដែលពាក្យថា «កុំឲ្យខ្វល់ខ្វាយអ្វីឡើយ» អាចនាំឲ្យមានអារម្មណ៍ថាពាក្យសម្ដីទាំងនេះមិនអាណិតអាសូរចំពោះការលំបាកណាមួយដែលយើងជួបប្រទះនោះវាជាការសំខាន់ក្នុងការកត់សម្គាល់ថាលោកប៉ុលបានសរសេរពាក្យទាំងនេះនៅពេលលោកជាប់នៅក្នុងគុក។លោកមិនបានប្រាប់យើងឱ្យ «កុំខ្វល់ខ្វាយ ចូរសប្បាយរីករាយ» ដែលជាពាក្យចាំមាត់របស់យើងឯណា។ការមិនអើពើឬកាត់បន្ថយការពិតនៃកាលៈទេសៈរបស់យើងជាការមិនទទួលខុសត្រូវ។ប៉ុន្តែមានផ្លូវមួយដើម្បីឱ្យយើងទទួលបានបទពិសោធន៍នៃសន្តិភាពនិងអំណាចរបស់ព្រះនៅចំពេលព្រួយបារម្ភនិងមានភាពតានតឹងរបស់យើង នោះហើយជាមូលហេតុដែលលោកប៉ុលលើកទឹកចិត្តយើងឲ្យ «ទូលដល់ព្រះឲ្យជ្រាបពីសេចក្ដីសំណូមរបស់យើង» ។មែនហើយព្រះចូលរួមយ៉ាងសកម្មក្នុងការថែទាំចក្រវាឡទាំងមូលក៏ដូចជាបញ្ហាសំខាន់ៗនៃពិភពលោកនេះប៉ុន្តែព្រះវរបិតាសួគ៌របស់យើងក៏ចូលពាក់ព័ន្ធនិងខ្វល់ខ្វាយជាមួយនឹងព័ត៌មានលម្អិតនៃជីវិតរបស់បុត្រាបុត្រីទ្រង់ដូចគ្នាផងដែរពោលគឺ៖ការងារទំនាក់ទំនងអារម្មណ៍ការភ័យខ្លាចនិងសកម្មភាពប្រចាំថ្ងៃរបស់យើង។
ព្រះទតឃើញអ្នកព្រះស្គាល់អ្នកហើយព្រះពិតជាយកចិត្តទុកដាក់ចំពោះអ្នក។
បើអ្វីមួយសំខាន់ចំពោះអ្នកអ្វីនោះក៏សំខាន់ចំពោះព្រះផងដែរ។ ដូច្នេះចូរអធិស្ឋានអំពីវាចុះ !
ការអធិស្ឋាន
ឱព្រះវរបិតា សូមអរព្រះគុណទ្រង់ដែលទ្រង់យកចិត្តទុកដាក់ចំពោះការចិញ្ចឹមបក្សីនិងការលម្អផ្ការុក្ខជាតិហើយនោះគ្រាន់តែជាមួយចំណែកតូចនៃក្ដីខ្វល់ខ្វាយរបស់ទ្រង់អំពីភាពលម្អិតនៃជីវិតរបស់ខ្ញុំនិងអ្វីៗដែលមាននៅក្នុងចិត្តរបស់ខ្ញុំប៉ុណ្ណោះ។ថ្ងៃនេះខ្ញុំសូមផ្តល់ឈ្មោះអ្វីដែលខ្ញុំយកចិត្តទុកដាក់នៅចំពោះមុខទ្រង់៖សូមទ្រង់បង្ហាញប្រាជ្ញាវត្តមាននិងអំណាចរបស់ទ្រង់នៅក្នុងរបស់ទាំងនេះផងចុះ។ហើយទូលបង្គំសុំឲ្យទ្រង់យកចិត្តទុកដាក់ចំពោះរឿងរ៉ាវ ដែលសំខាន់ចំពោះខ្ញុំនេះឲ្យដូចគ្នាទៅនឹងរបៀបដែលទ្រង់ផ្តល់មកនូវការយកចិត្តទុកដាក់និងការស្រលាញ់ដល់ទូលបង្គំចំពោះរឿងរ៉ាវដែលសំខាន់ចំពោះទ្រង់។សូមឲ្យនគររបស់ទ្រង់បានមកដល់ផែនដីឲ្យដូចជានៅស្ថានសួគ៌ដែរ។អាម៉ែន។»
អត្ថបទគម្ពីរ
អំពីគម្រោងអាននេះ
ការអធិស្ឋានគឺជាអំណោយមួយ ជាឱកាសដ៏អស្ចារ្យដើម្បីមានទំនាក់ទំនងជាមួយនឹងព្រះវរបិតាសួគ៌។ នៅក្នុងផែនការរយៈពេល 6 ថ្ងៃនេះ យើងនឹងរកឃើញថាព្រះយេស៊ូវបានបង្រៀនអ្វីខ្លះដល់យើងអំពីការអធិស្ឋាន ហើយទទួលបានការបំផុសគំនិតឱ្យអធិស្ឋានជាប្រចាំ និងប្រកបដោយភាពក្លាហានដ៏អស្ចារ្យ។
More
យើងសូមថ្លែងអំណរគុណចំពោះ Christine Caine - A21, Propel, CCM សម្រាប់ការផ្តល់ផែនការនេះ។ សម្រាប់ព័ត៌មានបន្ថែម សូមចូលទៅកាន់៖ https://www.propelwomen.org/
