AZA AVAHANA NY TENANAO!

Feno voninahitra aho hizara aminao ity andinin-tsoratra momba ny Krismasy ity mandritry ny herinandro. Handeha atombontsika amin’ny vavaka izany:

Jesosy o, rehefa mihamanakaiky ny fotoana Krismasy izahay dia mivavaka ho an’i [ANARANA] aho ary mangataka mba ny andro rehetra amin’ity vanim-potoanan’ny Krismasy ity dia ho fahagagana ho azy ireo. Mivavaka aho ny hampahiratanao ny mason’ny olona ka ahita ny tena fahagagana marina entin’ny Krismasy. Misaotra Anao aho tonga teto an-tany hitady sy hamonjy ny very. Ianao no fanomezana goavana indrindra ho an’ny rehetra! Amen”

Efa mba niato kely ve ianao dia nisaintsaina ireo andinin-tsoratra masina avy amin’ny tantaran’ny Krismasy ireto?

“Ary nisy mpiandry ondry tamin'izany tany izany nitoetra tany an-tsaha nitandrina ny ondriny tamin'ny alina..” (Lioka 2:8)

Toa tsy misy dikany sy tsy manan-danja loatra ireo teny ireo, kanefa misy fahagagana mahafinaritra ao anatiny. Navahana ireo mpiandry ondry. Tsy dia nifandray tamin’ny mpiara-monina izy ireo , natao tsinontsinona sy niahiahiana. Efa nahatsapa izany ve ianao? Efa nahatsapa hoe nailika sy voatsaratsara ve ianao. Izaho efa nahatsapa izany.

Ho an’ny rehetra izay nahatsapa voailika dia manana fanasana mahagaga i Jesosy! Tiako ery ny nakan’i Jesosy ireo izay nailiky ny fiaraha-monina ho tonga mpandray vahiny be voninahitra hankalaza ny Fahatongavany. Ireo izay nailika dia nandray fanasana VIP ho amin’ny fahaterahan’ny Mpanjaka!!! Henoy ange ny fanasany e!

Ary nisy anjelin'ny Tompo nitsangana teo anilany, ary ny voninahitry ny Tompo nanelatrelatra manodidina azy, ka raiki-tahotra indrindra izy. Ary hoy ny anjely taminy: Aza matahotra; fa, indro, milaza teny soa mahafaly aminareo aho, dia fifaliana lehibe izay ho an'ny olona rehetra; fa Mpamonjy no teraka ho anareo anie ao an-tanànan'i Davida, dia Kristy Tompo...... (Lioka 2:9 -11)

Ary tamin'izany rehefa niala teo aminy ireo anjely ireo ka nankany an- danitra, dia niresaka ireo lehilahy mpiandry ondry ka nanao hoe: Andeha isika hankany Betlehema ka hizaha izany zavatra vao tonga izany, izay nampahafantarin'ny Tompo antsika. Dia nandeha faingana izy ka nahita an'i Maria sy Josefa, ary ny Zazakely nandry teo am-pihinanam-bilona. Ary nony efa nahita izy, dia nampiely izay teny nolazaina taminy ny amin'izany Zaza izany.(Lioka 2 15-17)

Aza avahana ny tenanao! Asaina ianao hiara-hankalaza amin’ny mpiandry ondry. Tsy satria hoe navahan’ny olona manodidina anao ianao fa Jesosy tsy hanao izany aminao. Manana toerana miavaka sy fanasana nomanina ho anao Jesosy.

Ho an’ny Mpiandry ondry, dia niala tamin’ny iliky ny fiaraha-monina teto an-tany izy ireo ka lasa nasaina sy nampidirina tamin’ny fankalazana ny andro nahaterahan’i Jesosy, ARY navahana manokana ho mpitondra ny vaovao momba ny Mesia voalohany, tomga ny Mpamonjy! Avy any amin’ny hoe nisaina ny momba azy ireo fotsiny izy ireo no lasa mpanaparitaka ny vavaoa fa tonga ny Mpanjakan’ny Mpanjaka!

Anio, aza avahana ny tenanao! Mety hoe nionona ny amin’ny momba anao ianao, fa Andriamanitra dia manana planina mahagaga ny hanao anao ho isan’ireo vahininy manan-kaja eo amin’ny vinany hatao eo amin’ny fiainanao!

Anio dia mijereva olona mety nailiky ny fiaraha-monina dia jereo izy ireo tahaka ny zanaka sarobidin’Andriamanitra. Mety ho tonga fahagagana ho azy ianao anio.

Mankasitraka ny aminao aho ary aza adino

Fahagagana ny fisianao!

Eric

P.S. Inty ny andro voalohany amin'ity planina ity. Raha maniry handray fampaherezana ao amin'ny mailakao ianao isan'andro dia manasa anao aho hisoratra anarana ao amin'ny Fahagagana isan'andro .