AZA MANADINO MIDERA!

Mino ve ianao fa tapitra sahady ny Krismasy? Miandrandra fatratra ny Krismasy aho isan-tanoa ary mahavariana ahy foana ny mahita hoe vetivety dia tonga dia vetivety dia lasa izany. Mivavaka aho mba ny Fanahin’ny Krismasy marina hitoetra ao anatintsika isan’andro.

Hoy ny Baiboly :

“Isaorana anie Andriamanitra noho ny fanomezany tsy azo tononina.”(2 Korintianina 9:15)

Nanome antsika maimaim-poana ny Zanany lahy Andriamanitra. Inona no afaka ataontsika afa-tsy ny midera sy misaotra Azy?!

Raha hamarana izao resaka Krismasy izao aho, dia tiako ianao hiombona amiko anaty fiderana. Tia mihira aho, ary haiko fa ireo hira Krismasy dia hanakoako ato an-tsofiko mandritry ny andro maromaro. Ny fiderana tsara indrindran’ny Krismasy dia avy amin’i Maria. Na dia niatrika olana teo amin’ny fianakaviana aza izy, na ireo tsindry avy amin’ny fiaraha-monina, na ny onjan’ny fosafosa dia nisafidy i Maria ny hidera fa tsy hanahy. Afaka manao toy izany koa ve ianao? Fantatro fa afaka ianao.

Henoy ange ny fideran’i Maria ao amin’ny Lioka 1 :

“Ary sambatra ianao izay nino; fa hefaina izay zavatra nampilazain'ny Tompo taminao.

Ary hoy Maria: Ny foko mankalaza ny Tompo, Ary ny fanahiko efa ravoravo tamin'Andriamanitra, Mpamonjy ahy; Fa efa nijery ny fahambani-toetry ny ankizivaviny Izy. Fa, indro, hatramin'ny ankehitriny dia hataon'ny taranaka rehetra ho sambatra aho. Fa ny Mahery efa nanao zavatra lehibe tamiko; Ary masina ny anarany. Ary ny famindram-pony dia amin'izay matahotra Azy hatramin'ny taranaka fara mandimby. Nanao asa lehibe tamin'ny sandriny Izy; Nampihahaka ny mpiavonavona tamin'ny fiheveran'ny fony Izy. Nampiala ny lehibe tamin'ny seza fiandrianany Izy, Ary nanandratra ny ambany kosa. Ny noana novokisany soa; Fa ny manan-karena kosa nampialainy maina. Niahy an'isiraely mpanompony Izy, fa nahatsiaro ny famindram-pony (Araka ny voalazany tamin'ny razantsika), tamin'i Abrahama sy ny taranany mandrakizay.”

(Lioka 1:45-55)

Fantatr’Andriamanitra ianao. Mieritreritra ny zavatra atrehinao Izy. Efa nanao zva-dehibe ho anao Andriamanitra. Masina ny Anarany. Natolony anao ny famindram-pony. Fantany ny fonao feno fanetre-tena ary tiany ianao. Hameno anao amin’ny zava-tsoa Izy ary tsy hanadino ny famindram-pony ho aminao. Nanome fampanantenana lehibe sy sarobidy ho anao Andriamanitra ary afaka hiankinanao izany, mba ho tanteraka aminao.

Derao Izy fa mendrika izany.

Fahagagana ianao

Eric

P.S. Inty ny andro farany amin'ity planina ity. Raha maniry handray fampaherezana ao amin'ny mailakao ianao isan'andro dia manasa anao aho hisoratra anarana ao amin'ny Fahagagana isan'andro .