AZA MITSAHATRA MITADY AZY!

Ny vavako anio dia mba ho fahagagana ny Krismasinao ary ho azoninao isan’andro isan’andro ny fanantenana ao amin’ny fahaterahan’i Jesosy.

Nitady ny lakile-ko aho tontolo andro. Teny amiko izy ireo tamin’izay nody, fa efa ora maro izay no nikarihako azy ireo, namerenako ny lalana nolalovako rehetra fa tsy hitako izy ireo. Tsy azoko heo lasa aiza. Fa kosa fantako fa ato an-trano izy ireo dia tsy hitsahatra hikaroka aho mandr-pahitako azy ety an-tanako indray!

Ny tantaran’ny magy dia maneho olona tsy manaiky hitsahatra hitady ny Tompo. Na dia hoe taona maro aza no laniny tao aorian’ny nahaterahan’i Jesosy, dia ny finiavany hitady ny Mpanjaka dia tena nahasondriana ahy. Ireo lehilahy hendry ireo dia nanome fanomezana sarobidy, fotoana sy fanetre-tena hanaraka ny kintana izay hitarika azy ho any amin’ny harena goavana indrindra…Jesosy.

Toy izao ny fitantaran’ny Matio 2 izany:

“Ary rehefa teraka Jesosy tao Betlehema an'i Jodia, tamin'ny andron'i Heroda mpanjaka, indreo, nisy Magy avy tany atsinanana tonga tany Jerosalema ka nanao hoe:Aiza Ilay teraka ho Mpanjakan'ny Jiosy? fa nahita ny kintany teny atsinanana izahay ka tonga mba hiankohoka eo anatrehany.” (Matio 2:1-2)

Tiako manokana ny fanetre-tenan’ireo olon-kendry ireo. Tonga izahay hidera ary na niezaka nanodina izany fiankohofana izany aza ilay mpanjaka ratsy fanahy mba hamonoana an’i Jesosy, dia ny fahadiovan’ny antson’izy ireo dia nanome antoka fa ho tanteraka ny irak’izy ireo. Mitohy toy izao ny tantara…

“ Ary rehefa nandre ny tenin'ny mpanjaka izy ireo, dia lasa; ary, indro, ilay kintana hitany teny atsinanana nialoha azy mandra-pijanony teo ambonin'izay nitoeran'ny Zazakely.Ary nony nahita ny kintana izy, dia nifaly indrindra.Ary rehefa tafiditra tao an-trano izy, dia nahita ny Zazakely sy Maria reniny ka niankohoka teo anatrehany; ary nony efa nosokafany ny fitehirizan-drakiny, dia nanolotra zavatra ho Azy izy, dia volamena sy zava-manitra ary miora.” (Matio 2:9-11)

Inona no afaka atolotrao an’i Jesosy anio ho fiderana Azy? Afaka atolotrao Azy ve ny hasarobidin’ny fotoananao, ny hanitry ny fanompoanao, na ny halafon’ny fahamoram-ponao? Fantatro fa na inona na inona atolotrao sy afaka atolotrao dia Andriamanitra kosa hanome anao amin’ny fomba mahagaga ny fitahiana anao!

Mbola mitady azy ireo olon-kendry. Ny vavako dia ny hikatsahanao Azy amin’ny fonao rehetra. Maniry hanolota aanoa fanomezan’ny Krismasy amin’ny tenin’Andriamanitra aho anio:

“Fa Izaho mahalala ny hevitra iheverako anareo, hoy Jehovah, dia hevitra hahatonga fiadanana, fa tsy loza, mba hanome anareo fanantenana ny amin'ny farany. Ary hiantso Ahy ianareo ka handeha sy hivavaka amiko, dia hihaino anareo Aho. Ary hitady Ahy ianareo, dia ho hitanareo Aho, raha katsahinareo amin'ny fonareo rehetra. Eny, ho hitanareo Aho, hoy Jehovah; ary hampodiko avy amin'ny fahababoana ianareo(Jeremiah 29:11-14)

Sarobidy loatra ny fampanantenan’Andriamanitra. Rehefa mikatsaka Azy ianao dia ho hitanao Izy!

Tadiavo Izy anio. Ataovy izay ahitanao Azy anio. Ary raha mbola manakoako ao am-poko ny fampanantenan’ny Krismasy dia handeha hitohy hanaraka ilay Kintan’ny Maraina dia Jesosy, amin’ny firehetana sy fanetre-tena.

Aza adino…fa fahagagana ianao!

Eric