AZA AZONINA NY HAFATRA!

Aoka ny FIFALIAN’ny Krismasy hanenika ny fonao hatrany anaty fanahinao. Saino ange hoe Jesosy tonga teto an-tany ho ANAO! Na ianao irery aza ny olona teto an-tany, ny fitiavan’Andriamanitra dia mahery INDRINDRA ka naniraka an’i Jesosy ho avy ho anao fotsiny ihany.

Hazony ao am-ponao izany fisainaina mahagaga izany.Avelao hilentika tsara. Tonga Jesosy ho anao fotsiny ihany. Nisy ny Krismasy ho AHY. Nasaina eo anivon’ny Krismasy aho satria nahakasika ny foko ny fitiavan’Andriamanitra tamin’ny fotoana nahatongavan’i Jesosy. Mahatalanjona izany!

Afaka maka fotoana kely ve ianao misaintsaina izany? Alenteo ao aminao ny hatsaran’ny Krismasy.Alenteo ao antinao ny fahatsaran’ny Krismasy.

Josefa sy Maria dia tao amin’ny tranon’omby tao Betlehema, nangatsiaka ny alina, nitetika hamono i Heroda ary tena nisy ny fandrahonana….ireo lehilahy hendry dia nanomboka ny diany nanaraka ny kintana. Ny mpiandry ondry nanao ny asany, nitohy nijery…ary INDRO:

Ary nisy anjelin'ny Tompo nitsangana teo anilany, ary ny voninahitry ny Tompo nanelatrelatra manodidina azy, ka raiki-tahotra indrindra izy. Ary hoy ny anjely taminy: Aza matahotra; fa, indro, milaza teny soa mahafaly aminareo aho, dia fifaliana lehibe izay ho an'ny olona rehetra; fa Mpamonjy no teraka ho anareo anie ao an-tanànan'i Davida, dia Kristy Tompo. Ary izao no ho famantarana ho anareo: ianareo hahita Zazakely voahodidina lamban-jaza sady mandry ao am-pihinanam-bilona; Ary nisy anjely maro be avy any an-danitra niseho tampoka niaraka tamin'ilay anjely teo ka nidera an'Andriamanitra nanao hoe: Voninahitra any amin'ny avo Indrindra ho an'Andriamanitra! Ary fiadanana ho etỳ ambonin'ny tany amin'ny olona ankasitrahany” (Lioka 2:9-14).

Tsapanao ve ny fanantenana tamin’io alinaio? Aza matahotra! Misy vaovao mahafaly! Tonga ny mpamonjy! Misy FIFALIANA ho an’ny olon-drehetra! Efa tonga ny zazakely! Afaka midera an’Andriamanitra isika! Misy fiadanana sy fitsaharana ho an’ireo izay manome voninahitra ho an’Andriamanitra!

Manana izay ahfatra mitovy tamin’ny netin’ny anjely taona maro lasa izay isika. Aza azonina ny hafatra! Hafatra mifono fahagagana izay tokony zaraintsika amin’ny manodidina antsika. Amin’ny tany feno fahadisoam-panantenana, dia manana ilay tantara lehibe mifono fanantenana izay tokony renesin’ny maro isika. Tonga ny Mesia ry afaka ny ahalala Azy isika!

Amin’iza no afaka hizaranao izany hafatra izany?Iza no napetraky ny Fanahy Masina ao anatinao ka asainao ho any am-piangonana handre ny fanomezan’i Jesosy?

Hizara izany hafatra izany ve ianao? Mivavaka aho fa raha tonga ho anao Andriamanitra dia tonga ho an’ny hafa ihany koa Izy. Tian’i Jesosy ianao hizara izany tantarrany iznay amin’ny Krismasy ary vitanao izany!

Nifanena tamina tovolahy iray ao tamin’ny herinandro lasa izay niteny hoe “ Nanolotra ny foko ho an’i Jesosy aho roa taona lasa izay satria nisy namana iray izay tsy nihazona ny hafatry ny Krismasy ho azy irery. Tena mankasitraka aho ny nizarany an’i Jesosy tamiko. Mankasitraka azy mandrakizay aho!”.

Ny fizaranao izany tantara izany dia mety ho fahagagan’ny Krismasy ho an’ny hafa. Mandehana, lazao eny amin’ny vohitra, ny lemaka sy ENY REHETRA ENY!

Tratry ny Krismasy…ary aza adino,

Fahagagana ny fisianao

Eric