Andro faha 2

Diso lalana ve ianao indraindray?

Rehefa manao ski dia manenjika ny vadiko haingana araka izay tratrako aho. Feno zavona ny andro. Tsy mahazo ary tsy afaka ny hanalavitra azy aho, tsy mahita lalana eny an-tendrombohitra aho, ka sao very, indrindra rehefa misy zavona. Tampoka teo dia tsapako ny tendron'ny ski-ko mandeha amin'ny tendrony ilany. Nazerany aho, ary tao anatin'ny segondra vitsy, dia nandry tamin'ny tany aho. Kay! Tena tampoka tamiko iny.

Efa hitan’i Jesosy mialoha ilay kapoka ahazo Azy.

Tsy mba very izany mihitsy Izy, na dia feno zavona aza, na dia maizina aza.

Efa fantany mialoha fa harary ilay hanjo Azy..

Ny fanaintainana lehibe indrindra no niandry Azy.

Miara-mizotra mankany amin'ny Alahady, ilay andro fitsanganana amin'ny maty isika ao anatin'ny fikatsahana fiainana feno hery na dia anatin'ny fijaliana aza. Mandalo fahoriana ny olona rehetra, nefa tsy zaka amin'ny maha-olombelona ny fomba niaretan’i Jesosy izany.

Jesosy no hany olombelona niaina tsy nisy ota, kanefa ny sazy ambony indrindra no nihatra taminy.

Tahaka ny ahoana ny fahoriana zakanao ? Jesosy dia:

Nivadian’Jodasy

Nosamborin’ny vahoaka

Nafoin’ny namany

Nolavin’i Petera

Noesoina sy noendrikendrehina

Notafihana, notampenana ny masony, nororana, nokapohina ary nasiana totohondry

Ary izany rehetra izany dia nitranga talohan’ny nitondran’i Jesosy an’io hazo fijaliana io tany Kalvary.

“Miendrika hohelohina ho faty Izy.

Dia nororany ny tavany, ka nasiany totohondry Izy; ary ny sasany namely tahamaina Azy.” (Matio 26:66-67)

“Fa isika tsy manana mpisoronabe izay tsy mahay miara-mitondra ny fahalementsika, fa Izay efa nalaim-panahy tamin'ny zavatra rehetra tahaka antsika, kanefa tsy nanana ota.” (Hebreo 4 : 15)

Raha mandalo ady sarotra ianao, dia fantaro fa tsapan’i Jesosy tsara izany.

Raha marary ianao, fantaro fa tsapan’i Jesosy izany.

Raha nisy nanary ianao, dia fantaro fa miaraka aminao Jesosy.

Nandalo ny ady ara-batana sy ara-panahy ary ara-pihetseham-po rehetra Jesosy ary nivoaka ho mpandresy Izy mba hahazoanao ny fandresena amin’ny alalany.

Andao isika hiara-hivavaka “Tompo ô, rehefa tsy mahita ny lalan-kombana izahay, ento manakaiky Anao indray. Te-hanaraka Anao izahay. Noporofoinao fa tena azo hitokisana Ianao. Mahalala anay mihoatra noho ny tenanay aza ianao. Midera Anao izahay! Amin’ny anaran’i Jesosy, amen.”

Feno hery ny fiainanao rehefa manamaivana ny fijalianao ny fijalian’i Jesosy.

Fanontaniana hosaintsainina:

Mety hahatsapa ianao indraindray fa tsy azon’Andriamanitra izay manjo anao. Inona no tokony hotsaroanao amin’ny toe-javatra toy izany?

Inona no azonao hiderana an’Andriamanitra anio?

Tsarovy...fahagagana ianao!

Namanao aho,