Andro faha 3

Natombokao ilay izy!

“Tsy nanao izany aho!!”

“Tsia, natombokao ilay izy!”

Fifamaliana ao an-trano.

Zavatra mahazatra anao ve izany ? Isaky ny misy ny tsy fitovian-kevitra dia tondrointsika foana aloha ny hafa... izy no nanao izany, na izy no meloka. Arakaraky ny hiampangantsika ny hafa, no tsy hatsapantsika ny hadisoantsika anatin’ny ady.

Tsy nanameloka an’i Jesosy avy hatrany i Pilato rehefa nentina teo anatrehany vao maraina be Izy. Nofehezin’ny Romanina ny Israely tamin’izany. Ny Jiosy dia tsy nahazo nanombo na iza na iza… ny Romana ihany no navela hanao izany. Nila nandresy lahatra an’i Pilato àry izy ireo hoe tsy maintsy hovonoina i Jesosy. Ary tsy mora ny nandresy lahatra an’i Pilato.

Intelo i Pilato no nilaza fa tsy nanan-tsiny i Jesosy: ao amin’ny Jaona 18:38 , ao amin’ny Jaona 19:4 , ary ao amin’ny Jaona 19:6 .

Ankoatr’izay, dia nampitandrina azy toy izao ny vadin’i Pilato: “... Aza manao na inona na inona amin'izany Lehilahy marina izany, fa nampahory ahy be ihany ny nanofisako Azy any naraina..’” ( Matio 27:19).

Nanasa ny tanany i Pilato tamin’ny tsy fananan-tsiny.

Nijery ny mason’i Jesosy i Pilato. Rehefa sahy mijery an’i Jesosy ianao dia mahita fitiavana madio. Na aiza na aiza misy anao, na inona na inona toerana misy anao...Ny fitiavan'i Jesosy dia mandrava ny fanamelohana rehetra.

Jesosy dia tsy manameloka anao. Ambarany fa tsy manan-tsiny ianao. Ahoana izany raha mbola manao fahadisoana ianao, misaina zava-dratsy, manao ny tsy marina isan'andro…? Tsy manan-tsiny ve ianao?

Manao fanamby aminao Jesosy, hoe: “Ndao isika hifanakalo toerana? Horaisiko ny helokao, dia horaisinao ny tsy fananan-tsiniko. Teo amin’ny hazo fijaliana no nahatanterahan’izany fifanakalozana izany. Nesoriny taminao ny helokao ary nentiny teo amin’ny hazo fijaliana.

Manasa anao aho mba ho feno fankasitrahana an'i Jesosy androany noho io fifanakalozana mahafinaritra io. Izy no nanafaka anao tamin'ny heloka! Minoa an'i Jesosy!

Feno hery ny fiainanao rehefa mino ianao fa Jesosy no nanavotra anao tamin’ny fahotana sy ny trosa rehetra.

Fanontaniana hosaintsainina:

Inona no fahotana na trosa tonga ao an-tsainao avy hatrany izay afaka hifanakalozanao toerana amin’i Jesosy?

Mino ve ianao fa tena natao ho anao tokoa io fifanakalozana io?

Tsarovy...fahagagana ianao!

Namanao aho,