Andro Faha 4

Raha mahatonga anao hihevitra famonoan-tena ny nenina ao aminao..

Ry namako, inona no ataonao rehefa mahatsiaro meloka ianao ?

Jodasy, ilay mpamadika dia nanenina.

Ny anarany amin’ny teny grika dia midika hoe “ankalazaina sy deraina”.

Tsy midera sy tsy mankalaza an’i Jodasy anefa isika. Mifanohitra amin’izany aza.

Kanefa, na dia taorian’ilay famadihana aza, dia mbola niantso azy hoe “sakaiza” i Jesosy.

Ny fitiavan'i Jesosy ny olombelona rehetra dia lehibe tsy takatry ny saina amin’ny maha olombelona ... anisan'izany ianao.

Nahazo sekely volafotsy 30 i Jodasy noho ny famadihana Azy. Tamin’izany andro izany, izany no vidin’ny andevo iray. ( jereo Eksodosy 21:32 ).

Nanao an-tsitrapo ny asan’ny mpanompo i Jesosy, mba ho fanafahana antsika (Jereo ny Romana 6:6, ).

“Ary Jodasy, ilay namadika Azy, raha nahita fa nohelohina Jesosy, dia nanenina ka namerina ny sekely volafotsy telo-polo tamin'ny lohan'ny mpisorona sy ny loholona ka nanao hoe: Nanota aho, satria namadika rà marina. Fa hoy ireo: Ahoanay izany? fa asa anao.

Ary nony natsipiny teo amin'ny tempoly ny vola, dia niala izy ka lasa nandeha, dia nanao tadimody ary nananton-tena, ka dia maty.” (Matio 27:3-5)

Ny famonoan-tena dia mariky ny famoizam-po lalina dia lalina.

Ianao koa angamba mety manana heritreritra ny hamarana ny andronao. Mety tahaka ny tsy mahita lalan-kivoahana intsony ianao. Raha izany no izy dia te hanasa anao aho amin'izao fotoana izao, ao anatin'ny famoizam-po, hitady fanantenana avy amin'i Jesosy. Miombom-po aminao Izy. Nandeha an’io lalana maizina teo amin’ny hazo fijaliana io Izy mba hanafaka anao amin’ny famoizam-po sy faharerahan-tsaina lalina sy maizina.

Tia anao Jesosy!

Tena sarobidy ianao, ary manan-danja be Aminy.

Mihazakazaha mankany amin’Andriamanitra!

Andao hiara hivavaka isika “Rehefa lasa lehibe lavitra noho ny fanantenana ho velona ny nenina, vonjeo aho, Tompo ô! Te hanatona Anao aho miaraka amin'ny neniko. Ianao no Ilay nanafaka ahy! Amin’ny anaran’i Jesosy, amen.”

Feno hery ny fiainanao rehefa Andriamanitra no hiantorahanao raha sendra famoizam-po ianao..

Fanontaniana hosaintsainina:

Inona no fanaonao raha te hanala nenina, heloka ary henatra?

Oviana ianao no nahatsapa farany izany fitiavan’Andriamanitra izany teo amin’ny fiainanao?

Tsarovy...fahagagana ianao!

Namanao aho,