ഐസൊലേഷൻ ചിന്തകൾ (ഡോ. ബിജു ചാക്കോ)ഉദാഹരണം

ഐസൊലേഷനും ദൈവീകനിർണ്ണയങ്ങളും

യോഹന്നാന്റെ സുവിശേഷം നാലാം അധ്യായം യേശുവും ശമര്യാക്കാരി സ്ത്രീയും തമ്മിലുള്ള സംഭാഷണം ആണ്. യേശു "ഐസൊലേഷൻ" ചെയ്യപ്പെട്ട ഒരു പട്ടണത്തിൽ, ഐസൊലേഷൻ ചെയ്യപ്പെട്ട ഒരു സ്ത്രീയുമായി, ഐസൊലേറ്റ് ചെയ്യപ്പെട്ട ഒരു സമയത്തിൽ ദൈവത്തിന് എന്ത് നൽകാൻ കഴിയുമെന്ന് അറിയിക്കുന്നു. 

ഇതിലെ ഒന്നാമത്തെ ചിന്ത, ഐസൊലേറ്റഡ് പട്ടണത്തിലൂടെ പോകുക എന്നത് ഒരു ദൈവീക ഉദ്ദേശ്യം (Divine / Theological necessity) ആയിരുന്നു എന്നതാണ്.  ഈ ലോക് ഡൗൺ അവസ്ഥയും ദൈവീക നിർണയപ്രകാരമാണ്. ഐസൊലേറ്റഡായ ചിലർക്ക് ദൈവീക വെളിപാടുകൾ നൽകി, യഥാർഥ മശിഹാ ആരെന്ന് വെളിപ്പെടുത്തി, ഐസൊലേറ്റഡ് ചെയ്യപ്പെട്ട സമൂഹത്തിന്, യേശു ലോകരക്ഷകനാണെന്ന് തിരിച്ചറിവ് നൽകാനാണ് ഈ ദൈവീക പദ്ധതി.

കോവിഡ്-19 (COVID-19) അല്ല മനുഷ്യരെ  ഐസൊലേറ്റ്  ചെയ്യുന്ന ഏറ്റവും വലിയ വൈറസ്. ഇത് താത്കാലിക ഐസൊലേഷൻ ആണ്. എന്നാൽ മാനവജാതിയെ മുഴുവൻ നിത്യമായി ഐസൊലേറ്റ് ചെയ്യുന്ന (നിത്യമരണത്തിലെത്തിക്കുന്ന) വൈറസാണ് പാപം. അതിൽ നിന്ന് മാനവകുലത്തെ രക്ഷിക്കുവാൻ ലോകരക്ഷകനായ യേശുവിന് മാത്രമേ കഴിയുകയുള്ളൂ. 

യേശു പറയുന്നു "നീ ദൈവത്തിന്റെ ദാനത്തെ അറിയുന്നെങ്കിൽ, അവനോട് ചോദിക്കുന്നെങ്കിൽ, അവൻ നിനക്ക് ജീവന്റെ ജലം നൽകും." ഈ ഐസൊലേഷനിലും ജീവൻ നൽകുന്ന ദൈവീക വാഗ്‌ദത്തങ്ങളിൽ നമുക്ക് ആശ്രയിക്കാം.