Өдөр бүрийн чимээгүй цагийг Грэг Лоритой хамтЗагвар

Хамгаалалтгүй Хүч чадал

Сүйрлийн өмнө бардам зан явдаг бол, бүдэрч унахын өмнө дээрэлхүү зан явдаг. (Сургаалт үгс 16:18)

"Би хэзээ ч... хийхгүй ," гэж хэзээ ч бүү хэл учир нь та тэр зүйлийг мөн тэрнээс илүүг ч хийх чадвартай.

Петрийг Эзэнийг үгүйсгэхэд хүргэсэн эхний алхам бол өөртөө итгэх итгэл байсан. Тэрээр Есүст, "Танаас болж бүгд бүдэрлээ ч, би хэзээ ч бүдрэхгүй" гэж хэлсэн (Maтай 26:33). Искариотын Иудас урвагч байсан гэсэн илчлэлтээс болж Петр үүнийг хэлэхэд хүрсэн. Үндсэндээ Петр үүнийг хэлж байсан, "Аянганы Хөвгүүд гэгддэг Иакоов ба Иоханыг мэдэхгүй юм байна. Мөн Матай болон бусад хүмүүсийн талаар ч бас эргэлзэж байна. Гэхдээ би Таньд үүнийг хэлье: Би Таны урмыг хэзээ ч хугалахгүй." Энэ бол бардам зан байсан, бөгөөд Сургаалт үгс 16:18- дээр, "Сүйрлийн өмнө бардам зан явдаг бол, бүдэрч унахын өмнө дээрэлхүү зан явдаг" гэсэн байдаг.

Бид магадгүй, "Би хэзээ ч үүн дээр бүдрэхгүй" гэж хэлэх байх. Гэхдээ болгоомжтой байцгаая. Энэ нь магадгүй яг таны бүдрэх зүйл байж болох юм.

Та магадгүй, "Өө, би тийм зүйл хэзээ ч хийхгүй. Хэдэн сая жил болсон ч би тийм гэмийг хэзээ ч хийхгүй. Би энэ хэсэгт үнэхээр хүчтэй. Би магадгүй тэр хэсэгт бага зэрэг сул дорой байж болох юм. Гэвч энд бол би хэзээ ч бүдрэхгүй" гэж хэлэх байх. Үнэхээр тийм гэж үү? Таны зүрх сэтгэл үнэндээ ямар сул дорой болохыг та мэдэхгүй гэж үү? Бид бүгдээрээ бурууг үйлдэх дур сонирхолтой байдгыг та мэдэхгүй гэж үү? Хуучны нэгэн магтан дуунд,

Өртэй хүний хувьд өршөөл гэдэг ямар агуу зүйл вэ
Энэ нь өдөр бүр намайг тийм байхаар албаддаг!
Тэр сайн сайхан нь надад тушаа байж
Миний сатаарсан зүрхийг Өөртөө тушаач:
Төөрөлдөмтгий байгаагаа би мэдэрч байна--Эзэн--
Хайртай Бурханаа орхимтгой байгаагаа би мэдэрч байна;
Би зүрх сэтгэлээ Таньдаа өргөе--бэхлэлт босгож өгөөч,
Өөрийнхөө дээд шүүхийнхээ өмнө бат бэх байлгахаар бэхлэж өгөөч.

Дүгнэлт өгүүлбэр: Хамгаалалтгүй хүч чадал бол хоёр дахин сул дорой байдал гэдгийг санаарай.

Зохиогчийн эрх © 2012 Харвэст Үйлчлэлд. Бүх эрх хамгаалагдсан.