Известные библейские стихи из 2. Mose 7

Поделиться

Doatoo säd de HAR: Kjikj emol! Ekj woa daut soo rombrinjen, daut du woascht aus een Gott fa däm Kjennich sennen, un Aaron, dee fa die räden woat, woat dien Profeet sennen.

Doch ekj woa däm Kjennich hoat jäajen junt moaken, daut ekj mea un mea Tieekjens un Wunda en Ägipten woa uteewen kjennen. Un wan de Kjennich dan noch nich horchen woat, dan woat hee miene Haunt to feelen kjrieen. Dan woa ekj aul de Stam von mien Volkj, de Israeliten, väabrinjen un derch een schwoaret Jerecht äwa Ägipten, de Israeliten ut Ägipten rut leiden.

De Ägipta woaren dan weeten, daut ekj de HAR sie, wan ekj miene Haunt opp an lajen woa, un de Israeliten von mank an rut leiden woa.

Doaropp roopt de Kjennich siene kluake Rotjäwa un Hakjsenmeistasch. Un de ägiptische Hakjsenmeistasch deeden krakjt soone Tieekjens met äare Hakjsenkonst. Een jiedra schmeet sienen Stock han, un daut wia eene Schlang. Oba Aaron sien Stock freet aul de aundre äare opp.

Soo sajcht de HAR: Nu saust du daut enwoaren, daut ekj de HAR sie. Met disen Stock dän ekj en miene Haunt hab, woa ekj daut Wota em Niel schlonen, un daut woat Bloot woaren.

Wan de Kjennich junt sajcht: Wiest jun Wundawoakj, dan saj to Aaron: Nemm dien Stock, un schmiet däm ver däm Kjennich han. Dan woat dee, eene Schlang sennen. Dan jinjen Moses un Aaron no däm Kjennich, un deeden aules, soo aus de HAR an daut oppjejäft haud. Aaron schmeet sien Stock oppe Ieed ver däm Kjennich un siene Rejierungs Mana, un dan wia daut eene Schlang.