Mavhesi emuBhaibheri Ane Mukurumbira kubva kuna Matiye 6

Matiye 6:33

Kuo

Ì nzaa faa ha̰ Ŋgɛrɛwṵru ze ka re mbay ká tul-rì, a í ɗaa fe ká ɗo ɓáy zaɗɛ pola ɗɛkrɛ ro lɛ, a haŋa rì fe niri ká ì se síeke na riw bele nde ɗi ɓáy.

Yenzanisa

Ongorora {{vhesi}}

Matiye 6:34

Kuo

Munu zu lɛ, ì ha̰ law-rì ka nzáa rì ɓay tul nam taa ruo ya, ɓay ḭi lɛ, nam taa ruo na, ɗo ɓáy fe kér ɓay ɓe kḭ. Ɓil namri mbḭw mbḭw riw bele na ɗo ɓáy fe kér ɓay ɓari.»

Yenzanisa

Ongorora {{vhesi}}

Matiye 6:25

Kuo

«Sa̰wke mini ze, mì ɓaa ha rì: ì ha̰ law-rì ka nzáa-rì ɓay tul fe sṵm, mase mbii nzɔkɔ ká ì se síeke ɓay káwke ɓáy kumnun na ya, mase ɓay tul gari ká ì ndúo na kara ya nda̰w. Wa̰a, káw ɓáy kumnun ɓaarì na kal tul fe sṵmri, a sùo-rì kara kal tul gari ká ì nduo nda̰w na ya lɛ woo?

Yenzanisa

Ongorora {{vhesi}}

Matiye 6:6

Kuo

Roo lɛ, ɓo na, zaɗka mù ɗaa nzaa ɓay kere na, mu nduo hul nam ɓo, mú mgba faa hul gbukru ɗo tul-a, a mú ɗaa nzaa ɓáy kere ká pol Bǎa-ka ká ɗo zaɗ munike ziŋ mù na. Lɛɛ, Bǎa-ka ká kaw nulue káʼa kɔ fe ká nzoɓ ɗaa ká zaɗ muni na, a haŋa mù fe tunduoke na ɓáy.

Yenzanisa

Ongorora {{vhesi}}

Matiye 6:9-10

Kuo

«Munu zu lɛ, faa ɗáa nzaa ɓay kere na ze ɗo key: “Bǎa ɓuru ká mù kaw nulue, Ndaɗ ɓay haŋa nzoɓ ha̰a ha̰a lɛ, ka tuu mù ɓo huo-ɔ kḭ hɔy mù ɓa Ŋgɛrɛwṵru. Ndaɗ ɓay haŋa mu ví re mbay ká tusiri key. Ndaɗ ɓay haŋa nzoɓ ha̰a ha̰a ká tusiri key na, ka ɗaa fe ká law-a hii, munu ká i ɗaa ká nulue na.

Yenzanisa

Ongorora {{vhesi}}

Matiye 6:11

Kuo

Mu ha̰ ɓuru ŋgaw, ɓo ɓuru re maa ɓuru ká vuri key.

Yenzanisa

Ongorora {{vhesi}}

Matiye 6:12

Kuo

Mu nda buma ka ziŋ ɓuru ká tul fe ɗáa ka̰aya ɓuru, faa mbḭw munu ká ɓuru kara ɓuru nda buma ziŋ nzoɓri ká ɗaa ka̰aya ziŋ ɓuru nda̰w na.

Yenzanisa

Ongorora {{vhesi}}

Matiye 6:13

Kuo

Mu ha̰ ɓuru se ɓil nzaa úla ya, roo lɛ, mu ya̰a ɓuru ya̰a mǎa ká ɓil nduo ŋgɛrɛtemndaya. [Tusuɛke lɛ, réke mbay nda̰w, hṵrusuo nda̰w, rɔɔ riŋ ɗika nda̰w na ɓa taa ɓo ɓaŋguɔ kpaɗara. Amɛm. Ndaɗ ɓay haŋa ni ka ɗo munu na kḭ.]”

Yenzanisa

Ongorora {{vhesi}}

Matiye 6:14

Kuo

«Ì kɔ, zaɗka ì nda buma ziŋ nzoɓri ká i ɗaa ka̰aya ziŋ rì na lɛ, Bǎa ɓaarì ká kaw nulue na, a ndáka buma ziŋ rì nda̰w.

Yenzanisa

Ongorora {{vhesi}}

Matiye 6:26

Kuo

Ì mbi nun-rì í kɔ nduyri ká i ha̰ari tumbam siya ku. Ɓari na, i ru fe ya nda̰w, í vbie fe pay í ɗaa zuɔ ɓil pul ya nda̰w, roo lɛ, Bǎa ɓaarì ká kaw nulue na hɔl ri. A wa̰a ɓaarì na, ì kal tul-ri kal ya lɛ woo?

Yenzanisa

Ongorora {{vhesi}}

Matiye 6:19-21

Kuo

«Ì mbṵ feziŋari ká tusiri key kiɓli kiɓli ya. Tusiri key na ɓa zaɗ ká ndereri nde fe ká ɗi nda̰w, fe kɔ vay ká ɗi a ɓiɛ nda̰w, nzoɓ riiɓari kara vuo hul a í rii fe ká ɗi nda̰w pi. Roo lɛ, ì mbṵ feziŋari ha̰ Ŋgɛrɛwṵru kɔ́rɔ ká nulue. Ɓa zaɗ ká ndereri nde fe ká ɗi ya, fe kɔ vay ká ɗi a ɓiɛ ya nda̰w, riiɓari kara vuo hul a í rii fe ká ɗi ya nda̰w pi. Tusuɛke lɛ, zaɗ ká feziŋa ɓo ɗo ɗi na, ɓa zaɗ ká law-a hɔy kara te ɗi nzokɗo ɓaŋguɔ nda̰w.»

Yenzanisa

Ongorora {{vhesi}}

Matiye 6:24

Kuo

«Nzoɓ mbḭw maa ɓay ɗáa peɗ ha̰ bǎa gaŋ ɓeri siɗi ya, ɓay ḭi lɛ, a ḭ́m nzoɓ mbḭwke, a hii nzoɓ siɗike, mase a zúɔ ziŋ nzoɓ ni, a tuŋ ɓay nzoɓ nu. Ì maa ɓay séke fal Ŋgɛrɛwṵru nda̰w, rɔɔ fal feziŋari ká tusiri key nda̰w buruk siɗi bele ya.»

Yenzanisa

Ongorora {{vhesi}}

Matiye 6:30

Kuo

Feri ká fuu ɗo mbṵu ká ɓil wáari ká ɗo vuri key, ká ruo lɛ, i fá̰a ri zuɔ huu hɔy lɛ, Ŋgɛrɛwṵru kɔ-kɔ́m ɓa tul-ri a ha ri fuu mbṵu ɓa gama ku ya rɔɔ, maa ɓay ɓaarì ze, ka ti haŋa rì gari ká ì se síeke na ya lɛ woo? Áa, ɓaarì ká mbika law ɓaarì ndḭi na!

Yenzanisa

Ongorora {{vhesi}}

Matiye 6:3-4

Kuo

Roo lɛ, ɓo na, zaɗka mù mbi fe ɓo ɓáy nduo-ɔ fi hoɗo ɓay mgbáke ini ziŋ nzoɓ síe lɛ, kɔkɔ ká nduo-ɔ fi gel ka kɔ feke na. Ɓe nda̰w rɔɔ, fe haŋa ini ɓo na, a ɗoko zaɗ muni, lɛ, Bǎa-ka ká nulue ká kɔ fe ká nzoɓ ɗaa ká zaɗ muni na, a haŋa mù fe tunduoke na ɓáy.»

Yenzanisa

Ongorora {{vhesi}}

Matiye 6:1

Kuo

Zezu ɓaa na rɔɓay mii: «Ɓaarì na, ì nzɛ ɓáy sùo-rì ká ɓay kóɗ Ŋgɛrɛwṵru ká nun nzoɓri ɓay ɗáɓke sùo-rì hɔy ha ri kɔ́ke rì ya. Zaɗka ì ɗaa munu lɛ, ì ti zíŋ fe tunduo ká luo Bǎa ɓaarì ká nulue na ya.

Yenzanisa

Ongorora {{vhesi}}

Matiye 6:16-18

Kuo

«Zaɗka ì saŋ sùo-rì í sṵ fe ya ká pol Ŋgɛrɛwṵru na, ì ɗaa sùo-rì ɓa síe munu ká nzoɓ nzaa rúɔ ɓayri ya. Ɓari na, i siŋ tul nun-ri mbiɗ mbiɗ ɓay haŋa nzoɓri riw bele i kɔ mii, i saŋ sùo-ri í sṵ fe ya. Mì ɓaa ha rì ta-taŋ ɓa tusuɛ kḭ: bele fe tunduo ɓari kḭ ze i ziŋ ɗɔɗ ro ku. Roo lɛ, ɓo na, zaɗka mù saŋ sùo-ɔ mú sṵ fe ya na, mu wáa nun-a, mú ɗaa num ka nda tul-a, ɓay haŋa nzoɓ mbḭw mini kara ka kɔ mii, mù saŋ sùo-ɔ saŋ na ya, ɓa Bǎa-ka ká ɗo zaɗ muni ziŋ mù na huo-ɛ hɔy ze kɔ. Lɛɛ, ɓe káʼa kaw nulue ká kɔ fe ká nzoɓ ɗaa ká zaɗ muni na, a haŋa mù fe tunduoke na ɓáy.»

Yenzanisa

Ongorora {{vhesi}}

Mavhesi emuBhaibheri Ane Mukurumbira kubva kuna Matiye 6Pakurirana nevamwe

Zvemahara. Hurongwa neZviverengwa zveKuzvipira maringe neMatiye 6

Mavhesi emuBhaibheri Ane Mukurumbira kubva kuna Matiye 6