Mavhesi emuBhaibheri Ane Mukurumbira kubva kuna San Juan 1

Pakurirana nevamwe

Ná leꞌa itea be men na msakyoꞌón ta ndab xa no mbingea ladna bexa xa, ndoꞌ bexa wa msaꞌa xa juers myak bexa xin Dios.

Leꞌa zha ndon leꞌa ned, leꞌa xa nak Diꞌizh nchola. No nsoꞌla xa nak Diꞌizh wa wats Dios, leꞌa xa wa nak Dios.

Leꞌa xeꞌa wa nsu sa ukaw, leꞌa sa ukaw wa lá gun gan yuꞌu xeꞌa wa.

Leꞌa xa nak Diꞌizh wa myak men, cha uyoꞌo xa lat besa. Sbeꞌen nkweaꞌ ladna xa be men no sbeꞌen gealngea ndadiꞌizh xa. No uniꞌí besa xteꞌe juert nak xa ta na leꞌa xa ga dubkama nak Xin Dios.

Leꞌa iteanak be ta ncho leꞌa ta wa ngokndeꞌe juers ten Diꞌizh wa. Ni dub taꞌa naꞌanpa yoꞌo tal leꞌa xa wa lá ngundeꞌe‑yá. Leꞌa xa wa leꞌa nsaꞌa gealnaban ten be men, leꞌa gealnaban wa leꞌa nak xeꞌa ten bexa.

Ngol stubtsa wizh leꞌa Juan uniꞌí leꞌa Jesús nsalayaꞌ gax wats Juan. Cha ndab Juan ndoꞌ be men: —Bwiꞌi bego, leꞌa xa baꞌ leꞌa xa nak cuent Borreg Ben ten Dios, xa ntsuꞌu be ke ten be men.

No ukesea xa ndoꞌ gizhliyo ndee. Leꞌa juers ten xa ngokndeꞌe gizhliyo, parea leꞌa be men ncho ndoꞌ gizhliyo lá igondoꞌ xa. Mbiꞌid xa ndoꞌ bexa Israel, parea leꞌa be ltsaꞌa xa wa lá isakyoꞌón ta ndab xa.

Leꞌa xa na ta ugeaka nak xeꞌa, xa nsu xeꞌa ten Dios ndoꞌ be men, leꞌa xa wa mbiꞌid ndoꞌ gizhliyo ndee.

Leꞌa juers ten Moisés leꞌa Dios msaꞌa ley ten na. Parea leꞌa juers ten Jesucristo leꞌa Dios mluu xteꞌe nkweaꞌ ladna xa beuna no xteꞌe nak gealngea ten xa.