Mavhesi emuBhaibheri Ane Mukurumbira kubva kuna Isaya 1

Pakurirana nevamwe

Zvanzi naTenzi, “Kana madaro mochiuya zvenyu titaurirane, kunyange zvazvo zvitadzo zvenyu zvakatsvuka seropa, zvichati mbu-u kuchena somukaka, kunyange zvakati piriviri kutsvuka zvichati mbu-u kuchena sedonje.

Kana mukada zvokuteerera muchadya zvinhu zvakanaka zvenyika.

Dzidzai kuita zvakanaka, onai kuti kuri kutongwa zvino ruenzaniso vanodzvinyirira vanhu ngavagadziridzwe. Miririrai nherera muchireverera chirikadzi.”

Asi mukaramba muchipanduka, bakatwa richakutsakatisai nokuti ndini Tenzi ndazvireva nomuromo wangu.”

Shambai muzvichenese, bvisai zviito zvenyu zvakaipa mumaziso mangu. Kandai pasi uipi.

Pamunosimudza maoko mudenga ini ndichatarisa rutivi, kunyange pamunogoorera kunamata handiteereri, maoko enyu azere ropa.

Chiregai kunge muchauya nemipiro isina maturo rusenzi runondisemesa. Mazuva enyu okugara kweMwedzi namaSabata nemisangano yamunokokerana kukanyanisa ikoku, nokuti musangano mukuru wezvokunamata pamwechete nouipi, zvandifinha.

Mombe inoziva muridzi wayo kana dhongi rinozivawo parinopirwa zvokudya nomuridzi waro asi Isiraeri haimboziva zvayo, vanhu vangu havambonzwisisa.’ ”

“Mazuva Makuru enyu oKugara kwoMwedzi namazuva makuru akatemwa, mwoyo wangu hauzvidi. Kwandiri yave nhamo chaiyo yokuzvitakura, ndaneta ini nokuzvitakura.