Mavhesi emuBhaibheri Ane Mukurumbira kubva kuna मरकुस 13

Pakurirana nevamwe

नावा पोरोलताहेंका अंटोर लोकुल्‍क मीकुन हय्सुर. गानि बोर अय्ते पेनदापोर्रोटा विस्वासमते आकिरदाका निल्‍सि मनंतोर, ओनके मुक्‍ति दोर्कार.

अद वेला बस्के वांतानो मीक तेळियो. अदुनहाटीं मिमेट तेल्‍विते, उसारते मंटु.

अद वेलाते मीकुन पीसि ओसि पूसकियानुर. अस्‍के अगा बतल वळ्कना, बतल वळ्‍कानायो इंचि मोदाले रंदि कियमट. वळ्कानोर मिमेट आयो गानि पवित्र आत्मा आंद. अदुनहाटीं मीवा मनसुने बतल वळ्‍कागोम इंचि अनपिचंतनो अदे वळ्कट.

इद बूमि, मब्बु नासडेम आसि होंदार, गानि नावा पोल्‍लें बस्‍केने नासडेम आयों.

“अद रोजु आयि, अद गळिया आयि बोर्के तेळियो. स्वर्गमता दूतांक आयि, मनकना रूपमते पुटतोन नाकु आयि बोर्के तेळियो. गानि सिराप पेनबाबांके तेळियंता.

मिमेट लडाईं आनि लडाईना पोल्‍लेना बारेमते केंजसि वेरियमट, अल्हा तप्‍पाकोंटा आयानुंगे. गानि दुनियाता आकिर वेला अस्‍केने वायो.

लोता मालक पोळ्‍द होंचि वांतोरो, नळ्‍जाम नर्का वांतोरो, गोगोड कूसानेंके वांतोरो, हक्‍केरे वांतोरो, बस्के वांतोरो मीक एरपाट हिल्‍ले. अदुनहाटीं मिमेट तेल्‍विते मंटु. ओर अचानक वासि, मीकुन निद्र होंचि मत्‍तद हूळा मनि इंचि मिमेट तेल्‍विते मंटु. इद नना मीक वेहतन, अल्‍हेने अंटोर्कगुडा अदे वेहासेक मंतन. तेल्‍विते मंटु,” इंचि येसु ओर्क वेहतोर.

देसेमपोर्रो देसेम, राज्येमपोर्रो राज्येम लडाईं आयनुं, वेरे-वेरे जेगाने बूकंपाल्क आयनुं, कर्वु अर्रार. गानि इल्‍हा आयमळ इत्‍ते एर पूरालय नोप्‍पिं सुरुव आताप आंद.

गानि दीनकन्‍ना मुन्‍ने अन्‍नि देसेल्कुने तप्‍पाकोंटा पेनदा बेसता कबुर वेहमळ जर्गगोम.

नावा पोरोल एतसेके बचुटूरो लोकुल्‍क वांतुर. वासि, ‘ओन ननाने आंदुन’ इंचि वेल्‍लेटोर्कुन पसांचंनुर.

गानि मिमेट उसारते मंटु. बारित्‍ते मीकुन पंचादितोरा कय्‍दे अप्‍पजेपनुर आनि दर्मसास्त्रम कराहना लोह्कुने ओसि तनानुर. पजा नावा बारेमते गवाइ वेहालय मीकुन राज्यपाल आनि राजालोरा मुन्‍ने निलाहनुर.

अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय चिन्‍हां, इचंत्रमता कबाह्‍क कीसि हुप्‍सानुर. अदुनहाटीं ओक्‍कला बोरन्‍ना मीकुन, ‘हुळाट, किरिस्‍तु इगे मंतोर, अगा मंतोर’ इनानय्ते मिमेट ओर्कुन नम्मुमट.

गानि अव रोजकुने तकलिपकु मारतस्के पोळ्‍दुंक हीकट मुच्‍चका वायार, वेळसि वेल्‍गु हियाकोंटा आयार. मब्बुनाल सुक्‍कां हिळु अर्रानुं, मब्बुने मनना अन्‍नि सक्‍तिन कदलिच्‍मळ जर्गंता.