Mavhesi emuBhaibheri Ane Mukurumbira kubva kuna YOHANES 1

Pakurirana nevamwe

Ogwe ir akuni amberak nen agur malbiluk, nen Ar ebe oba ebebar andarugwa; nen ir yemenogo inobok ar, Ar Allah akburi mban ar dogowak nen yiluk onde erogo barige.

Agar paga yoma kenamer bigikdek kigik, o ibibir etoma, ar Wene eti welagage o. Wene eti, Ar Allah imbirak welagage Nen ar Wene eti, Ar Allah arar o.

Nen ar akbinak eti nen, o amum mo etoma lia eka, nen ar o amum eti nen, ar akbinak eti nagulogo burak ndak dek o.

Wene enogo akuni agage o, Ar ebe nir akuni ninanggedekla agarik o. Ar obabur lektek mondok mende eti, nir obok ninil kogo ar o, obabur lektek mende eti, Ar Allah akbur idak ambi endago arar o. Nen Ar ebe paga nggweru mban, Ar Allah ebe inil kugun o, nen eti paga mban, nir iliti kunik erninabir taga o.

Ye mende nde mende Ar obaru mban kenam ekbega lagage, nen ye mende nde mende werek yoma, Ar ebe dek kigik kenam erogo biluk dek mende dek arar o. Nen Ar Wene eti iniluk edo arar o, nen iniluk eti nen akuni akbinak erinabi taga mende.

O kubenengge, ar Yohanes Yesus oba waga il karige. Il kalok ar Yohanes nen yega dogolir, “Ar Allah Adomba Ak akuni o agar paga yoma, ninomaduk dek erogo bigin enogo ebe eli, kinil lakani o.

Wene eti ebe agar paga yoma werek, o agar paga yoma, ar pagaru mban kenam ekbirige o, ogwe o agar paga yoma, Ar ebe inunggukdek o. Ar ai edo paga arar wagagerek ogwe, ir akuni Ar mende yemenogo nen agur malu dambe karugwa o.

Akbinak naguk yitagodek mende akuni lia erogo bak nen yiluk, agar paga yoma waga o.

Wene Sepuluh Hukum Tuhan mende ernogo, ar Musa oba nggweru waganggugu o. Ogwe ninakba mende o, nen ebebar mende o, Ar Yesus Kristus ebe paga kenam ari wagage o.