Mavhesi emuBhaibheri Ane Mukurumbira kubva kuna LUKAS 13

Pakurirana nevamwe

“Tukande bugudak ma nggwe unggi laurak ake paga mban eku dogoni o. Nenaluk, Kinakla eberek togon o! Akuni pakalok unggi laurak paga erugun ogwe, unggugun dek o.

Etoma kwe ambi irimbo ambi akla unggirigemo, u kunik kigik delapan belas tahun ekige mende welagage. Ar Yesus nen kwe enogo il kega lagagerek, Ar ane nggok ar yoga dogolir, “Kar kwe yi, kar koba u obok dek arar etaga o!” yiluk yorige.

Yega lagagerek, Ar Yesus inggi kwe enogo oba dengge birige. Nen kwe enogo etanogo ar ambor mendok togon menagagerek. Menaga lagagerek, kwe ernogo, Ar Allah endaga wogok birige.

Wene yi ebebar etarigin o, ir akuni yabongga mende eti inalep arugun, nen ir akuni inalep mende eti yabongga arugun o.”

Ar ap ai werek enogo iluk atuk tu arar larogo bumo, kir tekman nggwe mendek onggolagik kininggi puk-puk eku dogolir, ‘Tuan mende wae, Nir tu kurneran nde!’ Yorumo, Ar Tuan mende nen onggo yega dogolir, ‘Kir o nggoma nen wagop eti an nunggukdek o!’

Etegerogo mondok dek arar o! Ambi inom ar yokerak o: Nen kir kinomaduk bugalogo mbo bigikdek kalok, kir ogwe etegerogon ar kambugun o.”

Ogwe ar Tuan eti nen onggo yega dogolir, ‘Kir o nggoma mende eti An nunggukdek o. Kir natukande ma nen, arar lani o. Kir yi nen ar ye maduk nde maduk erir nugu lagop o!’ yiluk yoragage.

Ar Yesus nen kinok yega dogolir, “Ar Allah apma binanurak paga eka dogolir, o elokte nenggerogon etarigin? An nen nena oba walkaurak o? O elokte etarigin mende ebe, wene oba lirogo yigin yi talek o. Ar akuni ambi nen o sawi eti enggen ambi wagangga lagagerek, ai ar eyabula arar yakige. O ai enogo anggup wulka lagagerek, o nggok arar etagage o. Nen enggalokbak paga etoma ir tewe nen inai palkugwa o.”