Mavhesi emuBhaibheri Ane Mukurumbira kubva kuna LUKAS 12

Pakurirana nevamwe

Eti ndak-ndak arar ma, kir ogwe tuam pik pak waku dogoni o. Nenaluk eti ndak-ndak, Ar Akuni Inakbur endago eti, kir yi paga warigin andagikdek ma arar, warigin o.”

Ogwe kir kiniluk agotik mende yi, Ar Allah apma dogowak nen yiluk, oba bugwi kalok, Ar Allah nen, amberak etoma oba dulogo wokeragin o.”

Yoga lagagerek, ir akuni wonggalek enogo obogar yoraga dogolir, “Kir kinebe, ye mende nde mende wadok nggirik mban ekinaka kau, kiniliti pik pak dikbiluk, nen kinoba kege paga dogoni o. Nenaluk, akuni iniluk dogir tagwi eti, ye mende nde mende ininggi werek, nen inamendek inoba nggilu-nggilu wuka eti paga mban, dek o.”

Kir kinamende werekma etoma, kiniliti etoma ar agarik o.

Kir ya ta nen kwak, iliti pirik eka lagagerek, ar mende umur iluk dogu mende eti, we bugudagar kigik ogwe, idu erogo birige?

Yoraga lagagerek, Ar Yesus nen mutok lagwi mende yoraga dogolir, “Eti paga ma, An wene yi yokerek o, ‘kir kiniluk dogu paga, nir nena nugun, nen nir niniyom nena yitagun yiluk, kiniliti pirik parik erugup o.’

Kir kiniri kinaluakma agarik etoma ogwe, obogar wenago agarik o. Etiar ma, kir kinobade mondok arugup o. Ir tewe eti, inonggo bugudagar ogwe, Kir kinonggo kwak eti perak, mondok nggok mende arar o.”

“Kir kinebe bugudak dogalek yi, kinobade arugup o! Nenaluk kir Kinombae iliti adeknggen paga, Nen Ar apma binagurak mende enogo wokeragin o.

Ir tewe ongga paga yoma kinil bikdani o. Ir nen ai yari tagodek, nen enggen mbali tagodek, nen enggen mbalek birtagama ai palek, dek ar o. Ogwe, Ar Allah nen bagarek dogi taga o! Nen ir tewe dagik ar ogwe, Ar Allah nen bagarek dogi taga o, ma kir kwak eti harga nggok mondok mende arar o.

Etiar ma, kir nen ninagi ninagarom ngga mende nugun, yiluk kiniliti pirik parik erugup o.

Irikngga wangga onggakma etoma, o yogondak kwak aburak ar enggen yiketek ogwe, kubenen nggwe mbuk ari taga mende o. Ogwe, Ar Allah nen irikngga etoma elokte pani pano erogo biktaga o. Nen kir kwak eti, ebiluk mondok arar o! Ogwe kir nen kinakla ebebar andegekdek agokip o!

Kimago agarik mende, ambi kwak kenam agikdek, kimago mondok dogogin mondok dek o; Wene aburama birugwa mende ambi kwak, aburama dogogin mondok dek ar o.