Mavhesi emuBhaibheri Ane Mukurumbira kubva kuna Jáaŋ 16

Pakurirana nevamwe

Meŋ á pú eshúŋ á wɛ́ emuɔ menu mɛ́t, ńdɔkɔ ŋ́gɛ, páʼ pɛ lɛtneē ánɛ meŋ lā, apwɛne a egɔ́ mé pɛ. Pɛ é ntē ŋgɔŋ ega páʼa, ŋ́gɔ́ áa ntē atapne. Táʼ, pɛ eké ŋkāk ete, meŋ ndē ndáʼ nte ńtsyā anu tepɔŋ, á ŋgɔŋ ega. »

Afʉʼ zīi Azwakne Ndém a shʉʼ shʉʼe, á ŋiŋ yīi a a kwaʼ eshúŋ á wɛ́, á ŋiŋ yīi Ndém a á ewíɛ́, a eghʉ̄ pɛ ezhɛ́ á anuúnē ntsem. A te shʉʼ eshúŋ menu mīi, é fhɔ́ɔ á mbū yí í. A a shʉʼ eshúŋ ajū mīi, a ke júʼē. A a shʉʼ epú eshúŋ á wɛ́ ajū mīi, a shʉʼ tɛ́ shʉʼe.

Tɛ ntshí tsetsɔŋɔ, pɛ ka lɔ̄k lezēŋ tsá ndɔ́ azō ɔ́. Pɛ elɔ́ azō, Ndém a eyá á mbū pɛ, púp ntē wɛ́ e egáŋte tɛ ntsékne.

Á piŋ ŋgɔ́ páʼā, mbɔ meŋ á shúŋ á wɛ́ á anuúnē. Á mbɔŋ á mbū pɛ, á légɛ meŋ egʉ̄ɔ. Meŋ gɔ te gʉ̄ɔ, mbɔ Ŋkʉɛ‑anɔŋɔ́‑mɛnzhɛ a te shʉʼ á mbū pɛ ɛ́. Meŋ mbiŋɛ ŋgʉ̄ɔ, mbɔ meŋ a tó á yí á mbū pɛ. A a shʉʼ eshʉʼe páʼā, étswi epuɔ ŋgɔŋ puɔ á légɛ, pɔ́ é megaŋ mefa, á légɛ pɔ́ té epuɔ ndeŋ ndeŋ ɛ́, étswi epuɔ ntií zīi, Ndém a lɔɔ̄k nzáʼ ntsaŋ.

Ndeŋ ndeŋ épúp, pɛ é tsetsɔŋɔ, ŋgɔ́ á ntē lemek. Táʼ, meŋ a shʉʼ ezéŋ ejʉ́ɔ á wɛ́ leswhī leswhī, ntē wɛ́ e egáŋte, ŋiŋ a epīŋ le vɛ́ne á wɛ́ á legāŋte ɛ́. «A láʼ aleʼé mɛ́t, pɛ é le zéŋ á gá anu nzɛ́tte ɛ́. Kwaʼ anuúnē anuúnē, meŋ shúŋɔ á wɛ́ ŋ́gɛ, pɛ lɔkɔ lezēŋ tsá, ḿbú ndɔ́ akɔ̄ lɛ́ á mbū Mɔʼɔ́ ga, mbɔ a a yá azō mɛ́t mé pɛ.

Kwaʼ anuúnē anuúnē, meŋ shúŋɔ á wɛ́ ŋ́gɛ, pɛ e shʉʼ ege elaa, ézém mbū, epuɔ ŋgɔŋ puɔ, e enɔŋ ŋkáka. Pɛ e shʉʼ enáŋ mé lemek, táʼ, lemek mɛ́t a epiŋ esɛ̄t ńcʉ́ʼ lekāk.