Mavhesi emuBhaibheri Ane Mukurumbira kubva kuna Mateo 6

Pakurirana nevamwe

Ngoboni hakutatika shingenu Wene wa Nyambi na kwoloka kwendi, pe byuma ebye nimwabyo ukamipanabyo.

Nohobene hinga mulikekula habya nzona, ndaba mutena wa nzona ukalimonena byuma byawo. Lehenu mutena ulimonene binawufwanini.

“Nohobene nikumitongweza ngayi, hinga mulikekula ndaba ya wumi wenu ngayi, mukalya bishini, hinge ngayi mukanwa bishini, hinge ha lutu lwenu ngayi mukavwala bishini. Kati wumi kupitakana bivwalo na lutu kupitakana byakulya bifwako ndi?

Ngoboni oho ndi ukulombela, ingina ku kampenci kobe, kami Tatiyobe ou wamonanga bya kuwi, ukakupana ncungu yobe.

Haya lombelenu nehi ngayi, “Tatiyetu uli muyilu, lizina lyobe lilemekiwe. Wene wobe wize, shifungo shobe shitendiwe hano hanci, ngonehe shatendiwa muyilu.

Tupanike lelo byakulya watu panikanga ha mutena ha mutena.

Tuyatile milandu yetu, ngonehe etu twayatilanga bakakutubipishila.

Hinga utwingiza mu byezeko, ngoboni utulame ku mukawubi. Ndaba wene wenga wobe na ngovu na wuwahe, myaka nimwayo. Ameni.*

Ndaba ndi mukuyatila bantu milandu yabo, Tatiyenu wa muyilu kami ukamiyatila.

Monenu ku tuyoni twa muyilu, ndaba kukuna, hinge kuteza tufwako, kami kulonga mu bishete tufwako, ngoboni Tatiyenu wa muyilu watulishanga. Kati enu kaliha munapitakana shikuma tuyoni ndi?

“Hinga mulikongela wuheti hano hanci, haya hali tunzembule na ndala bikuwulobesha, kami bezi bakutubula na kuyiba. Ngoboni likongelenu wuheti muyilu, oku kwabula tunzembule na ndala bikutwesha kuwulobesha, kami bezi kutwesha kutubula na kuyiba bafwako. Ndaba oku kuli wuheti wobe, na mutima wobe kami niko uli.

“Kowa muntu ukutwesha kwinga mukamulimo wa bahekulyendi babili. Ndaba ukazimba umo nakuhaka wamina, hinge hamina ukenga wa kulunga ku umo na kulimbulula wamina. Kutwesha kutendela milimo Nyambi na wuheti mufwako.

Haya ndi Nyambi ukuvwika nahiyo mwila wa mu lishaka, owe uliko lelo, pe nzona hiukuyumbiwila mu liziko, kati ukabula kumivwalika byabingi ndi? Enu bakakukulupila kwakushe!

Ngoboni ndi ukuyavwa wakuyanda, liboko lyobe lya shimoho hinga lilimuka eshe likutenda liboko lya shilyo, ngayi shishemo shinge shakulimba, pe obe Tatiyobe ou ukumona bya kulimba ukakupana ncungu.

“Keyenu ngayi mubule kutenda milimo yenu yakwoloka ku meho a bantu, ngayi mwanga bamimone. Ndi mukwinga noho kukatambula ncungu kuli Tatiyenu wa muyilu mufwako.

“Pe oho mukuzila kulya, hinga mwinga bakuhomba ngonehe bakashishweka, ndaba bakukanyanyana ku zimpala zabo ngayi bantu balimuke ngayi banazili kulya. Mwashikuma nikumitongweza ngayi batambula kale ncungu yabo. Ngoboni oho mukuzila kulya, uliwabe mazi ku mutwe wobe, pe uyowele ku lupala lwobe. Ngayi bantu hinga balimuka ngayi unazili kulya, ngoboni ulimukiwe tuhu kuli Tatiyobe, ou wakubula kumoneka. Kami Tatiyobe ou wamonanga bya kuwi, ukakupana ncungu yobe.