Mavhesi emuBhaibheri Ane Mukurumbira kubva kuna ئنجیل مەتا 6

Pakurirana nevamwe

بەڵکەم یەکم جار وەشون پادشایی خودا و دادپەروەری بون، ئمجا ئیانیشه گشتێ دریده پێدان.

جا نگران بانان نەون، چوینکه بانان نگرانییل خوەێ دێرێ. دەردسەریل ئیمڕو ئەڕا ئیمڕو بەسه.

«جا وەپێدان ئویشم، نگران زنەییدان نەون چه بخوین یا چه بنوشین، هەر ئیجوره نگران جەسە‎دان نەون که چه بکێنه وەر. مەر زنەیی له خوراک و جەسه له دڵنگ گرنگتر نیه؟

وەلێ تو وەختێ دوعا کەی بچوه ناو وتاخەگەد، دەرەگه بوەس و له لاێ باوگد که شاریایەوه، دوعا بکه. ئمجا باوگ ئاسمانید که چشتیل شاریایەو دوینی، پاداشد دەێد.

جا ئیوه ئیجوره دوعا بکەن: «ئێ باوگ ئیمه که هایده ناو ئاسمان، ناود موقەدەس بود. پادشایی تو باێد. خاست تو هەر ئەو جوره که وه ئاسمان کرێید، وه مل زەویش بکرێید.

نان ڕوژانەمان ئیمڕو بیه پێمان.

قەردەگانمان بوەخش، هەر ئەوجورە که ئیمەیش قەردداریلمان بەخشیمنه.

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

چوینکه ئەگەر خەتایل مەردم بوەخشین، باوگ ئاسمانیدانیش، ئیوه بەخشێد.

بنوڕنه باڵەندەیل ئاسمان، ئەوانه نەکاڵن و نه درەو کەن و نه وەناو ئەمبار گردەو کەن، وەلێ باوگ ئاسمانیدان روزیێان دەێ. مەر ئیوه وه ئەوانه فرەتر نیەتیەرزین؟

«وەبان زەوی گەنج ئەڕا خوەدان گردەو مەکەن، شونێگ که بید و ژەنگ دەێده لێ و دزیل تیەن و دەنه لێ. بەڵکەم گەنج خوەدان وه ئاسمان گردەو بکەن، شونێگ که بید و ژەنگ نیەنه لێ و دزیلیش نیەتیەن و نیەنه لێ. چوینکه گەنجەگەد وه هەر کوره بود دڵدیش ها ئەوره.

«هویچکەس نیەتویەنی دو گله ئەرواو خزمەت بکەی، چوینکه یا وه یەکی قینێ تێ و دوس ئەواکه دێرێ، یا سەرسپردەێ یەکی بود و ئەواکه وه هویچ حساو کەی. نیەتویەنین هەم خزمەتکار خودا بوین، هەم خزمەتکار پویل.

جا ئەگەر خودا گژگیای دەیشت که ئیمڕو هەس و بانان فڕه دریده ناو تەنویرەو، ئیجوره دایپوشنی، ئێ کەم ئیمانیل، فرەتر دانیەپوشنیدەدان؟

وەلێ وەختێ سەدەقه دەێ، نێل دەس چەپد بزانێ دەس ڕاسد چه کەی، تا سەدەقەگەد شاریاویدەو. ئمجا باوگ ئاسمانید که چشتیل شاریاێ دوینی، پاداشد دەێد.

«هوشدان بود کاریل خاسدان وه نوای چەو مەردم نەکەین تا بویننەدان، ئەگەر نه وه لاێ باوگدان که ها له ئاسمان پاداشێگ نێرین.

وەختێ ڕوژه گرین، جور دوڕوییل دەمچەو تیەڵ نەون، چوینکه ئەوانه دەمچەو خوێان گویڕنن، تا وه لاێ مەردم نیشان بێەن هانه ڕوژه. وه ڕاسی وەپێدان ئویشم، ئەوانه پاداش خوێان گردنه. وەلێ وەختێ تو ڕوژه گری، روین بیه سەرد و دەمچەود بشور تا ئەڕا مەردم دیار نود که هایده ڕوژه، بەڵکەم باوگد که شاریایەوه، بزانێد. ئمجا باوگ ئاسمانید که چشتیل شاریایەو دوینی، پاداشد دێ.