Mavhesi emuBhaibheri Ane Mukurumbira kubva kuna Mothi 6

Pakurirana nevamwe

Kheʹ apedo palhere Issoraʹ rajjonaʹ bisoite ar âniaʹ icchâ laka caʹlaʹte bestoʹpe. Tahale anako jinisho ape nampehaʹ. Gapanaʹ bisoitedo alo cintuʹape

Gapanaʹ cintâdo gapa cetanrigi bâgigiripe. Dinnaʹ kosṭodo dinlaʹtigi jothesṭogiâ.

"Niâlaʹte Ingte ape metapekâning, itâʹ jompehaʹ mente baco tahenaʹ bisoite se itâʹ sorogpehaʹ mente hormonaʹ bisoite aima alo cintuʹape. Jiuido kebol jom nuiaʹ bepardo bangkana, ar hormodo kebol lugri cithriʹnaʹ bepardo bangkana?

Kheʹ am jâkhni Issorṭheʹ koijongam tâkhni bhitâr oraʹre caketeʹ duâr singme ar amren Baba ekedo bang lel namoʹreho miniâ Âniṭheʹ koijongme. Amren Baba ekedo bai baite sanamaʹgi lele, initigi am puroskar mamiheʹ.

Niâlaʹte apedo Issorṭheʹ nengka koijongpe, 'He aleren sorgoren Baba, Amaʹ nutum pobitro mente manoʹman. Amaʹ rajjo hijuʹman, Amaʹ ichâ, alka sorgore Engkagi dhârtireho hoʹman.

Dinâm dinnaʹ jomaʹ Amte ale tihin malem.

Alka aleteho aleren oporâdhi mapkaʹkoale, engkagi aleyaʹ sanam pap maptalem.

Ar ale purikkhare alo giṛileyam, Kheʹ kharap khoiʹ bacolem. Karon rajjo, porakrom ar mohima jug jug amaʹgi. Amen.

Cekelaʹbang apete judi âdmiaʹ oporadh maptakoape, tahale aperen sorgoren Babate apeho mappeheʹ.

Cereko hate bengetketeʹ lelpe angkodo bicân bang merako, bang gedako, kuṭhliʹreho bang jaoreyako, ar taoreho aperen sorgoren Babate angko khaokoe. Ape ki angko khoiʹho bang mullobangiâpe?

"Niâ dhârtire ape nijelaʹtedo dhon sompod alo jaoreyape. Naṛedo murcâʹa ar tejote nosṭogiriako arho komrote daola bhugâʹketeʹ komreyako. Kheʹ sorgore nijelaʹte dhon jaorepe. Sorgoredo murcâho bang murcâʹa, tejoteho bang nosṭeyako ar komroho daola bhugâʹketeʹ bang komreyako. Cekelaʹbang akare apeyaʹ dhon aṛegi apeyaʹ monho tahentapehaʹ.

"Ekeho barya probhuaʹ seoa bang dareʹako, karon ânite miʹhor ghinâiheʹ ar eṭaʹhor dulâriheʹ. Ânido miʹhor cetanre mon maʹheʹ ar eṭaʹhor tuchoiheʹ. Issor ar dhon sompotti na barannaʹ apedo miʹsaote seoa bang dareʹape.

Maṭhnaʹ akaṭaʹ ghas tihin menaʹa ar gapa culhâre giṛiʹhaʹ. Ana jâkhni Issor nengkaketeʹgi sajeye tâkhni ohe thoṛa pâtyuonko, ânite je ape niscoi sajopeheʹ anare aka sondeho bânuʹniʹ?

Kheʹ apete jâkhni rangeʹ âdmi jahanaʹ makopehaʹ tâkhni apeyaʹ jojma ti itâʹ cikâde ana apeyaʹ leṭra ti alo baṛesoiape, jate apeyaʹ dan bai baite hoʹa. Tahale aperen Baba, ekedo bai baite sanamaʹgi lele, Ânitigi ape puroskar mapeheʹ.

"Sabdhan! Âdmi uduʹkolaʹdo alo dhârmikoʹape, judi hoʹape tahale aperen sorgoren Babaṭheʹ khoiʹ jahanaʹ puroskar oho namape.

"Ape jâkhni upâspehaʹ tâkhni bhonḍo lakado metʹ moca alo hendeketeʹ dohetenape. Angko je upâskadako ana âdmiko uduʹkolaʹte bohoʹre ar mocare toreʹ ojoʹbereyako. Ingte ape sârigi metapekâning, angkodo akoaʹ puroskar namngekadako. Kheʹ am jâkhni upâsmahaʹ tâkhni bohoʹre sunum ojogam ar metʹ moca âruptenam. Jate eṭaʹonkhoiʹ bang baṛe dareʹako je, amdo upâskadam. Tahale amren Baba, ekedo bang lelnamoʹreho miniâ eken Ânigi anado lelnamheʹ, amren Baba ekedo baionaʹ sanamaʹgi lele, Ânitigi am puroskar mamheʹ.