Stinët e zemrësShembull

Shtëpia e bekuar e Perëndisë

U gëzova kur më thanë: «Shkojmë në Shtëpinë e Zotit». - Psalmi 122:1

Shtëpia e Zotit - është aty ku fiset e Zotit përmes dëshmisë së Izraelit, ngjiten për të falënderuar emrin e Zotit, për të kërkuar fytyrën e Tij, për të mësuar vullnetin e Tij, për të shijuar dashurinë e Tij, për të parë lavdinë e Tij dhe për të shijuar Perëndinë si Perëndinë e tyre dhe Atin e paqtuar.

Zot, bëj që zemra ime të dëshirojë më shumë shtëpinë Tënde! Unë të kam kërkuar dhe të kam gjetur në shenjtëroren Tënde, kam lexuar dispozitat e Tua dhe kam mësuar vullnetin Tënd. Unë e kam shijuar dashurinë Tënde dhe kam parë lavdinë Tënde. Kam shijuar praninë Tënde si Atin tim të paqtuar në Krishtin Jezus. Unë jam ngopur me mirësinë Tënde, ashtu siç ngopemi me palcë dhe dhjamë, e megjithatë sa e ftohtë dhe e ligështuar jam ndonjëherë, sa pak dëshirë për t'u kthyer, sa të vogla janë pritjet e mia, sa shumë që endet mendja ime! Zot, unë duhet të skuqem dhe të turpërohem po të ishte ndonjë i vdekshëm që do ta shihte zemrën time herë pas here. Pasi kam dëgjuar, parë, shijuar dhe përdorur fjalën e jetës, unë jam ende një enë e zbrazët.

Shtëpia e Perëndisë - Pronari, Ndërtuesi dhe Krijuesi i të cilës është Perëndia dhe kjo shtëpi është thesari i Tij i veçantë. Krishti është themeli dhe guri kryesor i qoshes dhe shtëpia e Tij jemi ne, të ndërtuar mbi Të, të çimentuar së bashku, si një ndërtesë shpirtërore. Themeli nuk mund të prishet, guri i qoshes nuk mund të hiqet; as ne nuk mund të rrëzohemi apo të ndahemi prej Tij.

Shtëpia e Perëndisë – është Jerusalemi, Sioni, prehja e Perëndisë, ku Ai dëshiron të banojë, ku do të qëndrojë përgjithmonë. Shtëpia e Perëndisë është Kisha, trupi i Krishtit. Krishti është Kreu, populli i Tij është Kisha, anëtarët e Tij, jeta e të cilëve është në Të dhe rrjedh nga Ai. Dhe për shkak se Ai jeton, ne do të jetojmë gjithashtu. Zot, zgjeroje të kuptuarit tim për të rrokur gjithnjë e më shumë "se cila është gjerësia, gjatësia, thellësia dhe lartësia dhe dashuria e Krishtit që tejkalon çdo njohuri.”

Isabella Graham