Stinët e zemrësShembull

Ç'mendoni ju për Krishtin?

Ç'mendoni ju për Krishtin? - Mateu 22:42

Kjo është një pyetje që na intereson të gjithëve. Nuk ka asnjë burrë apo grua mbi tokë për të cilin nuk është me rëndësi të dijë për Zotin Jezu Krisht. Unë do të bëja përsëri pyetjen - "Ç'mendoni ju për Krishtin?" - dhe do të përpiqesha të tregoja atë që ne duhet të mendojmë rreth Tij.

Së pari, sa i përket hyjnisë së Tij. Ç'mendoni ju për Krishtin? A e dimë me të vërtetë se Ai është Perëndia i Plotfuqishëm, Personi i Dytë i Trinisë, i njëjtë me Atin, edhe pse është Biri i dashur i Atit?

Ç'mendoni ju për Krishtin për sa i përket natyrës së Tij njerëzore? A besojmë në Të si "Perëndi i përsosur dhe njeri i përsosur"? A besojmë me të vërtetë ashtu siç besojmë se Ai është Perëndi i fuqishëm, që Ai është i dhembshuri Biri i Njeriut?

Çfarë mendon për Krishtin Jezus si Shpëtimtarin tënd? A je plotësisht e bindur se përveç Tij nuk ka Shpëtimtar tjetër? Se Ai erdhi për të shpëtuar popullin e Tij nga mëkatet e tyre; se në gjakun dhe drejtësinë e Tij gjendet e gjithë shpresa jote?

Çfarë mendon për Krishtin, të vajosurin e Perëndisë, si Profet, Prift dhe Mbret? A e konsideron Atë si Profet ose Mësues hyjnor, duke iu lutur që të të bëjë të njohur, me anë të Frymës të Tij, gjithë vullnetin e Perëndisë? Në Krishtin fshihen "të gjitha thesaret e urtësisë dhe të njohjes." A i kërkon Atij të t'i bëjë të njohura ato ty?

A të ka treguar vërtet Fryma e Shenjtë vlerën e Krishtit dhe të ka bërë të shohësh se ti mund të shpëtohesh vetëm nëpërmjet Tij? Vetëm për ata që besojnë se Krishti është i çmuar, Ai dallohet “ndër dhjetë mijë veta." A beson në Zotin Jezu Krisht?

Elizabeth Julia Hasell