Mistari Maarufu ya Biblia kutoka Mit 17

Shirikisha

Rafiki hupenda sikuzote; Na ndugu amezaliwa kwa siku ya taabu.

Moyo uliochangamka ni dawa nzuri; Bali roho iliyopondeka huikausha mifupa.

Afunikaye kosa hutafuta kupendwa; Bali yeye akashifuye neno hutenga rafiki.

Azuiaye maneno yake ni mwenye maarifa; Na mwenye roho ya utulivu ana busara.

Hata mpumbavu akinyamaza, huhesabiwa hekima; Akifumba midomo yake, huhesabiwa ufahamu.

Afadhali mego kavu pamoja na utulivu, Kuliko nyumba yenye karamu nyingi pamoja na magomvi.

Mwanzo wa ugomvi ni kama kutoboa penye maji; Basi acheni ugomvi kabla haujafurika.

Yeye asemaye kwamba asiye haki ana haki; naye asemaye kwamba mwenye haki hana haki; Hao wote wawili ni chukizo kwa BWANA.