Mistari Maarufu ya Biblia kutoka 1 Mose 25

Shirikisha

Bwana akamwambia: Mataifa mawili yamo tumboni mwako, kabila mbili za watu zinatengana tumboni mwako zikitaka kutoka, kabila moja itatenda nguvu kuishinda ile nyingine, naye mkubwa atamtumikia nduguye.

Ndipo, Esau alipomwambia Yakobo: Nipe, nile upesi hicho chekunduchekundu! Kwani nimechoka sana. Kwa sababu hii wakaliita jina lake Edomu (Mwekundu).

Isaka akamwombea mkewe kwake Bwana, kwani alikuwa mgumba; naye Bwana akayaitikia maombo yake, ndipo, mkewe Rebeka alipopata mimba

Naye Esau akasema: Tazama, mimi ninakwenda kufa! Hapo ukubwa utanifaa nini? Yakobo akasema: Uniapie leo hivi! Basi, akamwapia; hivyo ndivyo, alivyomwuzia Yakobo ukubwa wake.

Ndugu yake alipotoka baadaye, mkono wake ulikuwa unakishika kisigino cha Esau, wakamwita jina lake Yakobo. Naye Isaka alikuwa mwenye miaka 60, mkewe alipowazaa.

Kwa hiyo Isaka akampenda Esau, kwa kuwa alimpatia nyama za kula za porini, lakini Rebeka alikuwa anampenda Yakobo.