Mistari Maarufu ya Biblia kutoka GENESIS 3

Shirikisha

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

Sa gabos na hayop na ginibo nin KAGURANGNAN Dios, an halas an pinakatuso. Hinapot kan halas an babae, “Totoo mananggad na tinaraman kamo nin Dios na dai magkakan kan bunga kan arin man na kahoy sa laog kan tatamnan?”

Papag-iwalon ko kamo asin an babae; an saimong banhi asin an saiyang banhi: roronoton kaini an saimong payo, asin hahampakon mo an saiyang bool.”

Dangan tinaraman niya an babae, “Dadagdagan ko an kulog na titioson mo sa saimong pagbados asin pag-aki. Alagad, dai mawawara an saimong pagmawot para sa saimong agom asin siya an saimong pagkukuyogon.”

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

Pakatapos, tinaraman niya si Adan, “Huli ta dinangog mo an saimong agom asin nagkakan ka kan bunga na dai ko saimo ipinapakakan, isinusumpa ko an daga huli saimo. Kaipuhan na maglapigot ka sa pagtrabaho sa bilog mong buhay tanganing magkaigwa ka nin pagkakan.

“Siisay an nagsabi saimo na huba ka?” an hapot nin Dios. “Nagkakan ka kan bunga kan kahoy na ipinapangalad ko?”

Dangan nagbugtak an KAGURANGNAN Dios nin mga kerubin sa sirangan na parte kan tatamnan asin nin sarong naglalaad na espada na nagbibirik sa gabos na direksyon tanganing magbantay kan dalan pasiring sa kahoy nin buhay.

Eva an inginaran ni Adan sa saiyang agom, huli ta siya an ina kan gabos na tawo.