Ahadi za kila siku ya maisha yakoMfano

Anza kuishi kwa   ajili ya maono yako

Je, ni ndoto ipi Mungu ameweka   moyoni mwako? Siulizi ikiwa una ndoto – Najua ipo, kwa maana Mungu huwekeza   ndoto ndani yetu. Nimeona watu wakifanyia ndoto zao mambo tofauti. Wengine   huficha ndoto zao moyoni ili wasikashifiwe na wengine. Watu wengine huzitupilia   ndoto zao ili wasizifikirie tena, na wengine huachana na ndoto zao kwa vile   ni ngumu kuzishikilia.

Ikiwa utaanza kuishi kwa ajili   ya ndoto yako, kuna mambo mawili ningependa ukumbuke. Kwanza kabisa, yafaa   upate maono kamili kwa ndoto hiyo, na jambo la pili unafaa kuweka maono yako   mbele ya ndoto hiyo kila mara.

Lakini kuwa na maono   hakumaanishi kwamba itajitokeza tu. Mungu ana haja na safari ya maono yako   hadi mwisho wake.

Mtume Paulo katika Wafilipi   4:11-13 alisema kwamba amejifunza kuridhika katika hali zote kiasi cha kwamba   hangesumbuliwa na hali yoyote ile. Hii ni kusema kwamba hakusumbuliwa na hali   yoyote ile aliyokuwa ndani yake – Kila mara alitazamia kuona kule alikuwa   anaelekea.

Basi kama Paulo, tunafaa kuwa   na usawa kati ya kuridhika na kufuatilia ndoto zetu. La muhimu ni hili,   jifunze kufurahia pale uliko huku ukiendelea kusonga mbele kufikia ndoto   zako.

Ikiwa una ndoto au maono,   jifunze kuyaweka mbele. Ikiwa itasaidia, andika chini. Kumbuka kwamba, Mungu   atakusaidia kuishi kuafikia ndoto yako, hatua baada ya ingine, siku baada ya   siku.

OMBI   LA KUANZA SIKU

Ewe Yesu, hata kama sihisi   kufanya lolote na maisha yanajaribu kunifanya nikate tamaa, ninaamini una   mpango mwema kwa maisha yangu. Ninakuamini unisaidie kuafikia ndoto yangu   badala ya kuziamini hali zangu.