SOMA BIBLIA KILA SIKU 01/20Mfano

Daudi humwimbia Mungu kwa ajili ya ushindi wake, wokovu wake na huruma yake kwa watu wake. Hapa kuna maneno ya pekee ya faraja kwa wewe uliye yatima, mjane, mpweke, mfungwa au mwonewa. Mungu akaaye mahali pake patakatifu, ni Baba wa yatima na mlinzi wa wajane. Mungu huwapa fukara makao ya kudumu, huwafungua wafungwa na kuwapa fanaka ... ukawaruzuku maskini kwa wema wako (m.5-6; 10, Kiswahili cha kisasa). Yesu Kristo na kila anayemwamini kweli moyoni mwake, ana roho ya namna iyo hiyo! Zingatia Yesu alivyomwambia mtu miongoni mwa wakuu wa Mafarisayo aliyemwalika siku ya Sabato, Ufanyapo chakula cha mchana au cha jioni, usiwaite rafiki zako, wala ndugu zako, wala jamaa zako, wala jirani zako wenye mali; wao wasije wakakualika wewe ukapata malipo. Bali ufanyapo karamu waite maskini, vilema, viwete, vipofu, nawe utakuwa heri, kwa kuwa hao hawana cha kukulipa; kwa maana utalipwa katika ufufuo wa wenye haki(Lk 14:12-14).