SOMA BIBLIA KILA SIKU 01/20Mfano

Kwa nini watu waliambiwa hawawezi kumwona Mungu? Ni kwa sababu Mungu ni mtakatifu, na wanadamu ni wenye dhambi. Wanadamu walipoteza utukufu wa kuonana na kukaa karibu na Mungu pale walipovunja amri ya Mungu katika bustani ya Edeni. Kwa hiyo Bwana Mungu akamtoa [mtu]katika bustani ya Edeni, ailime ardhi ambayo katika hiyo alitwaliwa. Basi akamfukuza huyo mtu, akaweka Makerubi, upande wa mashariki wa bustani ya Edeni, na upanga wa moto uliogeuka huko na huko, kuilinda njia ya mti wa uzima(Mwa 3:23-24). Kuja kwa Yesu kumeondoa wingu lililokuwa linazuia wanadamu wasiuone uso wa Mungu Mtakatifu. Damu ya Yesu ndiyo inayoleta utakaso wa kudumu. Bila kutakaswa kwa damu hiyo hakuna uwezekano wa kukutana na Mungu. Damu ya Yesu inatosha kutupeleka katika wokovu wa kweli.