SOMA BIBLIA KILA SIKU 01/20Mfano

Katika mlango huu tunajulishwa amri kumi za Mungu. Amri hizi zinagawanyika katika mafungu makuu mawili. Amri tatu za kwanza zinahusu uhusiano kati ya Mungu na mwanadamu. Ni uhusiano baina ya Mwumbaji na kiumbe wake. Kwa vyovyote vile, ukizishika vema amri za Mungu unapata pia mwongozo wa jinsi ya kuhusiana na wanadamu wenzako. Yesu Kristo anakamilisha amri hizi kwa kusema kuwa amri kuu kuliko zote ni upendo, yaani, kumpenda Mungu na jirani zetu. Zingatia maneno yake katika Mk 12:29-31: Yesu akamjibu, Ya kwanza ndiyo hii, Sikia, Israeli, Bwana Mungu wetu ni Bwana mmoja; nawe mpende Bwana Mungu wako kwa moyo wako wote, na kwa roho yako yote, na kwa akili zako zote, na kwa nguvu zako zote. Na ya pili ndiyo hii, Mpende jirani yako kama nafsi yako. Hakuna amri nyingine iliyo kuu kuliko hizi.