SOMA BIBLIA KILA SIKU 01/20Mfano

Sehemu ya pili ya Amri Kumi, yaani amri ya 4 hadi ya 10, inahusu namna ya kuhusiana miongoni mwetu wanadamu. Zinahusu uhusiano kati ya mtoto na wazazi, na jinsi ya kutendeana bila kudhuriana. Mungu anatuagiza tuhusiane na yeye kwanza; ndipo tuhusiane na wenzetu. Jambo kuu katika uhusiano huu ni jinsi itupasavyo kutenda katika kupendana, kuheshimiana, kutunza wenzi na kutunza mali za jirani, za kanisa na zile za taifa. Kumbuka jinsi Yesu anavyojumlisha amri zote: Yesu akamjibu, Ya kwanza ndiyo hii, Sikia, Israeli, Bwana Mungu wetu ni Bwana mmoja; nawe mpende Bwana Mungu wako kwa moyo wako wote, na kwa roho yako yote, na kwa akili zako zote, na kwa nguvu zako zote. Na ya pili ndiyo hii, Mpende jirani yako kama nafsi yako. Hakuna amri nyingine iliyo kuu kuliko hizi(Mk 12:29-31). Amri zote zinalenga katika kumwongoza mtu ili aishi maisha ya utakatifu.