SOMA BIBLIA KILA SIKU 01/20Mfano

Kwa mistari hii, Daudi anazidi kumsifu Mungu. Anamsifu kwa ajili ya wokovu wake na ukuu wake. Pia anaelezea furaha yake kubwa ya kuingia katika nyumba ya Mungu pamoja na watu wake. Kipekee tunapata katika zaburi hii unabii juu ya wokovu kwa baadhi ya Waafrika. Kushi (ambayo ni sawa na Ethiopia) itamnyoshea Mungu mikono yake mara (m.31). Kama ilivyoandikwa katika Mdo 8:27-38, mtu wa Kushi ndiye Mwafrika wa kwanza aliyesikia Injili (hata kabla ya watu wa Ulaya); na siku hizi kuna uamsho mkubwa sana Ethiopia, na mamilioni ya watu wamempokea Yesu Kristo nchini hapo na barani Afrika kwa ujumla!