Soma Biblia Kila Siku Agosti 2021Mfano

Ezekieli anaendelea kuoneshwa kile ambacho Mungu amekikusudia kifanyike na mpango wa jinsi Mungu anavyotaka hekalu lake liwe. Anaoneshwa milango na vyumba na matumizi ya kila kitu. Hii inatufundisha kuwa kabla ya kumjengea Mungu Kanisa au hata nyumba yoyote ya kanisa, ni lazima tuombe maelekezo kutoka kwa Mungu. Majengo anayoyaona Ezekieli hufanana na hekalu la Sulemani. Wakati huohuo vitu vingine vimeboreshwa. Hivyo vitafaa kwa kujazwa na utukufu wa Mungu na ibada takatifu za watu wake.