Soma Biblia Kila Siku Agosti 2021Mfano

Paulo anafanya kazi kwa ajili ya watu ambao hajawahi kuwaona isipokuwa wachache tu (4:15-17, Wasalimuni ndugu walioko Laodikia, na Nimfa, na kanisa lililo katika nyumba yake. Waraka huu ukiisha kusomwa kwenu fanyeni kwamba usomwe katika kanisa la Walaodikia pia; na ule wa Laodikia usomwe na ninyi. Mwambieni Arkipo, Iangalie sana huduma ile uliyopewa katika Bwana, ili uitimize). Hawa wengine wote Paulo anawafahamu kwa njia ya Epafra. Hata hivyo Paulo anajihangaisha kwa ajili yao kana kwamba ni watoto wake. Watu wenye moyo kama Paulo ni wachache sana. Tena, ile kazi ni vita kwa njia ya maombi yake (m.1 na 5). Kwenye vita hii Mungu anamwongoza Paulo katika maombi yake ili ajue jinsi ya kuwaombea. Lengo lake ni sawa na lengo la mahubiri na mafundisho yake, kama anavyosema katika 1:28, Sisi tunamhubiri habari zake [Kristo] tukimwonya kila mtu, na kumfundisha kila mtu katika hekima yote, tupate kumleta kila mtu mtimilifu katika Kristo.